Nunna atâna hlauhawm tak natna avânga inzai ngai angin han inchan teh. I nunna chu a zaitu tûr che doctor kutah a awm avângin amah rin tlat chu i duh ngei ang. A thil tawn chanchinte hriatchian lehzual chu a finthlâk dâwn lâwm ni?

Chutiang bawkin, fîmkhur taka sakhuana bih chian pawh chu a finthlâk a ni. Sakhaw pâwl pakhatah i awm a nih chuan, chu sakhaw kutah chuan i thlarau lam nun chu i dah tihna a ni a. Chutah chuan, i chatuan nunna chu a innghat a ni.

Isua chuan sakhuana thlîr dân dik tak nei tûra min ṭanpuitu tûr tehna min pe a. “Thing tin anmahni rah ṭheuhvah a hriat a ni,” tiin a sawi a ni. (Luka 6:44) Entîr nân, sakhaw pakhat emaw, pâwl pakhat emaw i han en hian, chu chuan eng rah nge a chhuah? Chu sakhaw hruaitute chuan sum leh pai lam an sawi uar em? A mi leh sate chuan indona leh nungchang chungchângah Bible thu bulte an zâwm em? A tâwp nân, rin phû sakhua a awm em? A dawta thuziakte hi bih chiang tûrin kan sâwm a che. (w13-E 07/01)