Andeha hatao hoe marary mafy ianao ka tsy maintsy hodidiana. Tokony ho dokotera atokisanao no avelanao handidy anao, satria eo am-pelatanany ny ainao. Mailo àry ianao raha manadihady tsara aloha.

Toy izany koa eo amin’ny resaka fivavahana. Mailo ianao raha manadihady tsara ny fivavahanao. Eo am-pelatanany mantsy ny famonjena anao sy ny hoavinao mandrakizay.

Nanome toro lalana hanampy antsika i Jesosy. Hoy izy: “Samy fantatra amin’ny voany avy ny hazo tsirairay.” (Lioka 6:44) Raha manadihady fivavahana iray àry ianao, dia fantaro ny voa vokarin’izy io. Ny vola ve no tena zava-dehibe amin’ny mpitondra fivavahana ao? Manaraka ny toro lalan’ny Baiboly momba ny ady sy ny fitondran-tena ve ny mpivavaka ao? Misy fivavahana azo itokisana ve? Mamaly izany ireo lahatsoratra manaraka.