Jen ba bwe ewõr juon am̦ nañinmej im kwõj aikuj m̦wijm̦wij ñan jol̦o̦ke. Im joñan an kauwõtata el̦aññe ejjab em̦m̦an an taktõ eo am̦ m̦wijm̦wij, kwõmaroñ mej. Kõn men in, kwõnaaj kõn̦aan juon taktõ ekapeel me kwõmaroñ tõmake im lõke. Im ejjel̦o̦k pere bwe kwõnaaj etale taktõ in el̦aññe elukkuun jel̦ã kilen taktõ im ewõr en̦ rar mour ke rar taktõ ippãn. Em̦ool ke bwe kwõnaaj kar kõm̦m̦ane men in?

Ãindeinl̦o̦k wõt ñe ej itok ñan kabuñ. Elukkuun aorõk bwe jen lukkuun etale kabuñ eo ad make kõnke ej jelõte mour ko ad. Bwe jen maroñ mour ak mour ñan indeeo, eokwe men in enaaj wawa wõt ioon kabuñ eo jej pãd ie.

Ewõr men ko Jijej ear ba me renaaj jipañ kõj ñan kile im jel̦ã el̦aññe em̦ool kabuñ eo jej pãd ie. Ear ba: “Jabdewõt wõjke ealikkar kõn men ko leen.” (Luk 6:44, UBS) Ñan waanjoñak, ñe kwõj lale juon kabuñ, ta leen ak kõm̦m̦an ko an armej ro ie? Men eo el̦ap an ri tõl ro l̦õmn̦ak kake ej ke kõn jããn? Armej ro ilo kabuñ eo rej ke l̦oore ta eo Baibõl̦ ej ba kõn m̦wil ko rem̦m̦an im kõn tarin̦ae? Im ewõr ke juon kabuñ iaan aolepen kabuñ ko me jemaroñ tõmake im lõke? Eokwe, jouj im riiti katak ko tok jet im kwõnaaj lo uwaak eo.