Imaginá ku bo tin un malesa ku ta pone bo bida na peliger i bo tin ku hasi un operashon pa bo salba bo bida. Sin duda, lo bo ke tin pleno konfiansa den e siruhano, ya ku bo ta poniendo bo bida den su man, no ta bèrdat? Pues lo bo ke averiguá kuantu eksperensia e tin ku e tipo di operashon ei.

Den kaso di religion ta mesun kos; ta sabí pa analis’é kuidadosamente. Si bo ta pertenesé na un organisashon religioso, de echo bo ta poniendo tantu bo bida spiritual komo bo salbashon den su man.

Hesus a duna un kriterio ku ta yuda nos analisá religion a base di nan echonan. El a bisa: “Kada palu ta ser rekonosé na su fruta.” (Lukas 6:44) Si bo ta interesá den un religion en partikular, ta bon pa bo analisá ki klase di “fruta” e ta produsí. Pues puntra bo mes: ‘Su lidernan ta duna hopi importansia na plaka? Su miembronan ta sigui prinsipionan di Beibel pa loke ta guera i moralidat?’ Finalmente, ta eksistí un religion ku ta digno di bo konfiansa? Nos ta animá bo pa konsiderá e siguiente artíkulonan.