Sinchʼi onqosqa kasqaykipi tʼukuriy, operachikunaykitaj tiyan. Cheqamantachá sumaj doctorta maskʼakuwaj, imajtinchus kausayniykita makisninman churanki. Chantapis, ¿nichu yachayta munawaj chay jina onqoyta operasqantañachus manachus?

Jinallataj, uj religión allinchus manachus kasqanta sumajta qhawarina tiyan. Imaraykuchus Diospa qayllanpi kananchej, salvacionta tarinanchejpis, chaymanta kashan.

¿Imaynatá uj religión cheqachus manachus kasqanta yachasunman? Jesús nerqa: “Sapa sachʼaqa poqoynimpi rejsikun”, nispa (Lucas 6:44). Sutʼinchanapaj, uj religionpi tʼukuriy. ¿Imayna poqoytataj rikuchin? Pastoresninku, ¿qolqellamantachu wañurishanku? Chay religionpi kajkuna, ¿Biblia nisqanman jinachu jatun maqanakusmanta, llimphu kausaymanta ima yuyanku? Chaykunapi tʼukurispa, ¿mayqen religiontaj Diospa nisqanta juntʼashan? Qhawarina.