Am susunnag nfaanra bay ba mit e m’ar rom nib ubchiya’, mab t’uf ni ngan seyem. Dabisiy ni ga baadag ni nge pagan’um ngak fare togta ni ir e ra seyem, ya yafas rom e bay u lan pa’. Sana bfel’ ni ngam fal’eg i gay murung’agen e maruwel ni i rin’ kafram.

Ere, re n’ey e ku taareb rogon ko piyu raba’ i teliw nib fel’ ni ngan nang murung’agen nib fel’ rogon. Nap’an ni ga ra un nga barba’ e teliw ma bod ni ke mil fam ngorad ni ngar ayuweged gur ko tirok Got ban’en, nib muun ngay e yafas rom ni manemus.

Bay boch ban’en ni ke tamilangnag Jesus, ya nge yag ni ngad dugliyed ko ba puluw e n’en ni be rin’ e ba rodad e teliw, fa danga’. Ya yog ni gaar: “Urngin ken e gek’iy ma yima poy u wom’engin.” (Luke 6:44) Ni bod ni faan gad ra fal’eg i yaliy barba’ i teliw, ma mang wom’engin ara ngongol riy e ra gagiyel? Ba ga’ ni pi tayugang’ ko re teliw nem e ba ga’ fan e salpiy u wan’rad, fa? Gur, piin ni yad ma un ko re raba’ i teliw nem e yad ma fol ko pi kenggin e motochiyel u Bible ni bay rogon ko ngongolen e mahl nge tin nib mat’aw e ngongol? Ere, bay reb e teliw nrayog ni ngan pagan’uy ngay, fa? Gamad be piningem ni ngam yaliy e tin ni ka bay e article.