¿Akham mä machaq revista janjasin juma pachpas jan ukajj yaqhanakarus ukham sirïtati? Uka suma dibujonakasa ukat fotonakasa wali amuyump lurtʼatawa ukat mä amtamp uchatarakiwa. Uka fotonakajj sum amuytʼañatakiwa ukat chuymar purtʼkirirakiwa. Ukanakajj Yatiyañataki revistajj taman yatjjataski uk wakichtʼasiñataki ukat ukan arstʼañatakiw yanaptʼistu.

Sapa yatichäw qalltan utjki uka fotojj kunatsa uchatäpacha uk amuytʼam. ¿Kuns ukajj qhanañchistu? ¿Kunjamsa uka fotojj yatichäwin pʼeqeñchäwipatsa jan ukajj Bibliat apstʼat jiskʼa tʼaqapats qhanañchtʼi? Ukat maynïr fotonakajj yatichäwitsa ukat jakäwimats kunsa amuytʼaytam uk amuykiptʼam.

Yatiyañataki revista sarayir jilataw kunsa sapa fotojj yatichistu ukat kunjamsa yanaptʼistu uk arstʼanipjjañapatak mayispa. Ukat awisajja, fotomp chik qellqtʼatanakajj uñstki uka cheqanwa kawkïr tʼaqarjamas apstʼata uk qhanañchasi. Ukat yaqheppachajja, Yatiyañataki revista sarayir jilataw kuna tʼaqansa uka fotot qhanañchtʼañajj wakisispa uk amtaspa. Ukhamatwa, taqenis Biblian yatichäwinakap sum amuytʼañatak fotonak uchasiwayki ukanakat askirjam yateqapjjani.

Uka toqetjja, mä jilatajj akham siwa: “Suma qellqtʼat yatichäwi liytʼasin fotonak uñjjattʼañajj jukʼamp sumäñapatakiw yanaptʼi” sasa.