“Moneni Ifikope Ubusuma!”

Miku inga mwalandapo nelyo ukwebako bambi aya mashiwi ilyo mwamona magazini iipya? Ifi fikope ifisuma ifyo babika muli magazini fyalikwata umulimo bafibikilamo. Filatwafwa ukumfwikisha ifyo tulesambilila kabili filatwafwa no kutontonkanya. Kuti fyatwafwa maka maka ilyo tulepekanya Ulupungu lwa kwa Kalinda na lintu tuleasukapo.

Ku ca kumwenako, ilyo mulepekanya tontonkanyeni pa cikope icili pa ntendekelo ya cipande ca kusambililamo no mulandu bacibikilepo. Cinshi cilemusambilisha? Campene shani no mutwe wa cipande nelyo ilembo apafumine umutwe wa ico cipande? Ifi fine e fyo mufwile ukucita na ku fikope fimbi ifili mwi sambililo kabili muletontonkanya na pa fyo mwingasambililako.

Katungulula we Sambililo lya Ulupungu lwa kwa Kalinda afwile ukweba abali mwi bumba ukulanda pa cikope cimo na cimo, ukulanda ifyo campene ne sambililo nelyo ifyo balesambililako. Pa fikope fimo palaba amashiwi ayalelanga paragrafu umuli ifyebo ifyampene ne cikope. E lyo pali fimbi, katungulula e ufwile ukumona paragrafu iyo bengalanda pa cikope. Ukucita ifi kukalenga bonse tukalenonkelamo mu fikope ifiba mu mpapulo ifitwafwa ukulaelenganya ifyo tulesambilila mu Cebo ca kwa Lesa.

Munyinefwe umo atile, “Ifikope ifiba mu cipande ca muli magazini filalenga isambililo ukuwama nga nshi.”