“Get sa zoli portre!”

Konbyen fwa ou’n dir sa parol dan ou menm ouswa avek lezot kan ou’n ouver en nouvo nimero sa magazin? I annan en rezon akoz i annan sa bann zoli desen ek portre dan sa magazin. Zot bann led vizyel ki ed nou reflesir e tous nou santiman. Zot sirtou kapab ed nou prepar e partisip dan Letid Latour Veyer.

Par egzanp, demann ou lekor akoz sa portre o konmansman sak lartik letid in ganny swazir pour sa lartik. Ki i pe montre? Ki mannyer i relye avek tit sa lartik ouswa verse tenm? Pour lezot portre, esey vwar ki mannyer i relye avek sa size ki pe ganny egzaminen ek ou lavi.

Kondikter Letid Latour Veyer i anvi donn sans kongregasyon pour fer komanter lo sak portre, pour zot dir ki mannyer i relye avek sa lartik ouswa ki lefe i’n annan lo zot personnelman. Dan serten ka, i annan en not ki relye sa portre avek en paragraf spesifik. Dan lezot ka, sa kondikter i kapab deside avek ki paragraf i ti pou pli bon i diskit sak portre. Dan sa fason, nou tou nou benefisye plennman avek sa ki’n ganny fer pour ed nou esey vwar dan nou lespri sa leson ki sorti dan Parol Bondye.

En frer i met li koumsa, “Apre ki ou’n lir en zoli lartik, sa bann portre i parey lakrenm lo sa gato.”

[Portre lo paz 32]

[Portre lo paz 32]

[Portre lo paz 32]