“Ta Rora Mbica!”
“Ta Rora Mbica!”
Na githĩ ti maita maingĩ wanoiga kana ũkera mũndũ ũngĩ ciugo icio wahumbũria riuma rĩerũ rĩa ngathĩti ĩno? Mbica icio thaka ikoragwo irutĩirũo wĩra mũnene. Muoroto wacio nĩ gũtũruta na njĩra ya kũhutia ngoro citũ na gũtũteithia twĩcirie. Makĩria no citũteithie rĩrĩa tũrahaarĩria kana tũracokia ciũria hĩndĩ ya Wĩruti wa Mũrangĩri.
Kwa ngerekano-rĩ, wĩcirie ũhoro wa mbica ĩrĩa ĩkoragwo kĩambĩrĩria-inĩ gĩa gĩcunjĩ o gĩothe kĩa wĩruti. Ĩronania kĩĩ? Yekĩrirũo ho nĩkĩ? Ĩkonainie atĩa na kĩongo gĩa gĩcunjĩ kĩu kana na rĩandĩko rĩa mũthingi? Wĩcirie ũrĩa mbica iria ingĩ thĩinĩ wa gĩcunjĩ kĩu ikonainie na ũhoro ũrĩa ũrarĩrĩrio na ũrĩa irakũhutia.
Nĩ wega ũrĩa ũratongoria Wĩruti wa Mũrangĩri kũhe athikĩrĩria mweke wa kwarĩrĩria mbica ciothe, kuonania ũrĩa ikonainie na ũhoro ũrĩa ũrarĩrĩrio na ũrĩa iramahutia marĩ mũndũ kĩũmbe. Kũrĩ hĩndĩ hakoragwo na kohoro mbica-inĩ ga kuonania kĩbungo kĩrĩa gĩkonainie na mbica ĩyo. Narĩo rĩrĩa rĩngĩ ũrĩa ũratongoria no atue nĩ kĩbungo-inĩ kĩrĩkũ mbica ĩkwarĩrĩrio. Na njĩra ĩyo andũ othe nĩ marĩgunĩkaga kuumana na mbica iria itũteithagia gũtaũkĩrũo nĩ morutani ma Kiugo kĩa Ngai.
Mũrũ wa Ithe witũ ũmwe oigire atĩ mbica iria ikoragwo thĩinĩ wa icunjĩ icio itariĩ ta cukari ũrĩa wĩkĩragwo keki-inĩ. Itũmaga ũhoro ũrĩa mwandĩke ũgĩe na cama mũno.
[Mbica karatathi ka 32]
[Mbica karatathi ka 32]
[Mbica karatathi ka 32]
