Nkumbu nkwa wayindula wo kala yovo vova wo kwa muntu akaka vava oziulanga finkanda fiampa? Vena y’ekani disilwanga e fwaniswa ye mafoto muna nkanda mieto. E fwaniswa yayi ina se sadilwa yambote ya longela, ikutusadisanga mu yindula yo toma badika. Ilenda kutusadisa vava tukubikanga yovo tuvananga e mvutu mun’Elongi di’Eyingidilu.

Kasikil’owu, yindula e kuma kiasolelwa e fwaniswa kisiwanga kuna lubantiku lwa konso elongi dia longoka. E fwaniswa kiaki adieyi kisonganga? Nkia ngwizani kina yo ntu a diambu w’elongi yovo ye sono kibongelo elongi? Muna konso fwaniswa, yindula una kinina e ngwizani ye diambu dilongokwanga ye dina kilongele muna zingu kiaku.

O mfidi Elongi di’Eyingidilu kafwete vananga kw’ampangi muna nkutakani elau dia sasila konso fwaniswa, mu yika una kinina e ngwizani yovo dina balongokele muna fwaniswa kiaki. Ezak’e ntangwa, vana ndambu a fwaniswa vesiwanga e mvovo misonganga e tini kisasilanga e fwaniswa. Muna fwaniswa yakaka o mfidi olenda sola e tini kina kalenda lombela kwa mpangi vo basasila konso fwaniswa. Muna mpila yayi, yeto awonso tuvwa nluta muna ngolo zivangwanga mu sadisa atangi mu bakula malongi mena muna Diambu dia Nzambi.

Mpangi mosi a yakala wavova vo: “Vava itanganga elongi, e fwaniswa iwokesanga luyangalalu lwame mun’elongi.”