¿Ëka kutitaq juk mushoq revistata chaskirir dibüjunkunata rikëkur tsënö nikurqunki, y jukkunatapis nirqunki? Tsëchö shumaq dibüjukuna y fötukunaqa manam ardëllatsu këkäyan, sinöqa pensatsimänapaq y shumaq yanapamänapaq churashqam këkäyan. Täpakoq revistapita yachakuna reunionpaq preparakuptiki y reunion höra parlakurinëkipaqmi yanapashunki.

Tsëmi, Täpakoq revistapa yachatsikïninta yachakurqa, cada yachatsikïpa qallananchö këkaq dibüjuta imanir akrayämunqanman puntata pensarï. ¿Imatataq rikätsikun? ¿Imanötaq igualan tsë yachatsikïwan y qallananchö këkaq textuwan? Tsëpitana wakin kaq dibüjukunata rikë, y tapukï yachakunëkipaq kaqwan imanö igualanqanta y kawënikichö imata yachatsishunëkipaq kaqta.

Täpakoqpita yachatsikamoqmi tapukamunqa, yachakïkäyanqëkichö tsë dibüjukuna imanö yanapakunqanta y kikikikunatapis imanö yanapayäshunqëkita parlakuriyänëkipaq. Wakin dibüjukunapa chakinchömi, mëqan pärrafupa yachatsikïninwampis igualanqanta nikan. Peru mëqan parräfuwampis tsë dibüju igualanqanta mana niptinqa, Täpakoqpita yachatsikoqmi rikanqan, mëqan pärrafutapis yachakïkäyaptiki tapukaramunampaq. Tsënöpam llapankuna, tsë shumaq dibüjukunapa yanapakïninwan, alli yachatsikïta jorqayanqa Diospa yachatsikïninkunapita.

Juk cristiänum kënö nirqan: “Tsë alläpa shumaq qellqashqa yachatsikïkunata leyirirpis, shumaq dibüjukunapa yachatsikïninwanraqmi usharintsik”.