Ichapas kay qellqata kichaspayki kikiki otaq hukkunamanpas qawachispayki chaynata nirqanki. Kay qellqapi rikuriq sumaq dibujokunawan fotokunaqa manam llutanpi churasqachu kachkan, aswanqa allinta tanteaspam. Yuyaymananapaqmi yanapawanchik hinaspapas kallpanchawanchikmi. Allintataqmi yanapawachwan Willakuq qellqata huñunakuykunapaq preparakuptinchik hinaspa chaypi rimarinapaqpas.

Chaypaqqa, pisillapipas yuyaymanay estudianapaq kaq yachachikuypa qallariyninpi dibujo imanasqa chaypi kasqanmanta. ¿Imatam qawachin? ¿Imapim tupan yachachikuyninwan otaq qallariyninpi rikuriq textowan? Qawaytaq wakin dibujokunatapas hinaspa tapukuy yachachikuyninwan chaynataq kawsakuynikiwan imapi tupasqanmanta.

Willakuq revistamanta estudiachiqmi huñunakuypi lliw uyariqkunata ninqa yachachikuywan sapa dibujokuna imayna tupasqanmanta otaq vidankupi imayna yanapasqanmanta rimarinankupaq. Wakinpiqa sapa dibujopa urachanpim kan huk willakuy, chaymi tupan huk kaqnin parrafowan. Wakinpiñataqmi Willakuq revistamanta estudiachiq tanteanqa ima parrafopi sapa dibujomanta rimarinankupaq. Chaynatam llapallanku dibujokunawan allinta yanapachikunqaku, chay dibujokunaqa Bibliapi yachachikuykunata allinta entiendenankupaqmi leeqkunata yanapan.

Huk iñiqmasinchikmi nirqa: “Sumaq yachachikuyta leeruspa dibujokunata qawayqa allintapunim yanapakun”, nispa.