Kä 2012, köbö miérkole 5 septiembre yete dekä, ja mräkätre sribikä Betel Estados Unidos aune Canadá yei mikani gare köbö 1 septiembre ja känenkäre ja mräkä mada kädekani sribikäre Nitre Braibe Konkrekasion Jökrä Ngübabitikä yebe, ja mräkä ye abokän Mark Sanderson.

Niara rün aune meye kukwebätä käkwe ngübabare San Diego (California, Estados Unidos). Ja mräkä Sanderson käkwe ja ngökani ñöte 9 febrero kä 1975. Sribi prekursor kömikani kwe köbö 1 septiembre kä 1983 kä Saskatchewan (Canadá) yekänti. Kwela känti nitre tötikata Sribi Ngöbökwe jie ngwankäre (kä nengwane kädekata Kwela nitre Brare Kaibe tötikakäre Bibliabätä), nuainbare bä kükükäre kä Estados Unidos yekänti, kwela yebätä ja mräkä Sanderson graduabare diciembre kä 1990, aune abril kä 1991 niara juani sribire prekursor especial ngutuä mrente kädekata Terranova (Canadá) yekänti. Niara juan nämene sribire ni konkrekasion tuabitikä erere, ye bitikäre sö febrero kä 1997 niara nübaibare sribire Betel Canadá yekänti. Noviembre kä 2000, niara juani sukursal Estados Unidos yete, yekänti niarakwe sribibare Obisina Kukwe mikaka gare Hospital yebätä, aune ye bitikäre sribibare kwe Departamento de Servicio yekänti.

Septiembre kä 2008, ja mräkä Sanderson janamane Kwela nitre Ji ngwanka Sukursalte kräke yebätä, ye bitikäre kädekani Sukursal jie ngwankäre kä Filipinas yekänti. Septiembre kä 2010 niara käräbareta Estados Unidos, yete niara namani sribire Nitre Braibe Konkrekasion Jökrä Ngübabitikä tä kukwe drie jie ngwen kä jökräbiti yebe.