Nilaini zîng, September 5, 2012 khân, United States leh Canada Bethel chhûngkuaahte chuan Jehova Thuhretute Governing Body member thar pakhat lâk luh belh a nih thu puanchhuah a ni a. Mark Sanderson-a chuan September 1, 2012 khân a hna chu a chelh ṭan a ni.

Unau Sanderson-a chu a Kristian nu leh pate’n San Diego, Califonia, U.S.A-ah an enkawl seilian a; February 9, 1975 khân baptisma a chang a ni. September 1, 1983 khân, Canada ram Saskatchewan-ah pioneer a thawk ṭan a. December 1990 khân Ministerial Training School (tûna Nupui Nei Lo Unaupate Tâna Bible School tia koh) a vawi sarihna chu United States-ah a zir chhuak a ni. Unau Sanderson-a chu April 1991 khân Canada ram Newfoundland thliarkârah special pioneer thawk tûra ruat a ni a. Bial kantu awm loh chânga a aiawhtu anga rawng a bâwl hnuah, kum 1997, February thla khân Canada Bethel chhûngkaw zînga tel tûra sâwm a ni. Tichuan, kum 2000 November thlaah chuan United States branch-a sawn a ni a, chutah chuan Hospital Information Services-ah leh a hnuah Service Department-ah a thawk a ni.

Kum 2008, September thla khân Unau Sanderson-a chu Branch Committee Member-te Tâna School-ah a kal a, chumi hnu chuan Philippines Branch Committee member-a ruat a ni. Kum 2010, September thla khân United States-a kîr leh tûra sâwm a ni a, chutah chuan Service Committee of the Governing Body ṭanpuitu angin rawng a bâwl ta a ni. (w13-E 07/15)