Nga mixkue tanjio nga 5 sá septiembre nó 2012, je familia Betel xi tjío ya Estados Unidos kao Canadá kʼoasʼin kisʼejintokon kʼianga je ndsʼee xi Mark Sanderson ʼmi, jeya tíjnajinle Cuerpo Gobernante kitsʼiakjoanni nga 1 sá septiembre.

Je ndsʼee Sanderson yaa koanjchínga ya San Diego (California, Estados Unidos). Kʼoa je xijchále tokʼoa jekotʼaya je Énle Niná nga kʼia. Kʼiaa nga 9 sá febrero nó 1975 kisʼenngindá nga testigole Jeobá koan. Nga tsakʼétsʼiakao je xá xi tsʼe precursor kʼiaa nga 1 sá septiembre nó 1983 ya ʼnde xi Saskatchewan ʼmi (Canadá). Kʼoa kʼiaa nga sá diciembre nó 1990 jetʼale je Escuela de Entrenamiento Ministerial (xi Skuela xi síchjine je ndsʼee xi sʼa tjíotoje ʼmi ndʼaibi) xi koanñatoni kisʼejna ya Estados Unidos. Kʼoa kʼianga sá abril nó 1991 precursor especial sʼin kinikasén ya ʼnde xi Terranova ʼmi (Canadá). Kʼoa ngajaole koan je superintendente xi tsʼe circuito saʼnda nga kinokjoale ya Betel xi tíjna ya Canadá nga sá febrero nó 1997. Kʼoa nga sá noviembre nó 2000 yaa kinikasén ya sucursal xi tíjna ya Estados Unidos kʼoa yaa kisixá ya Servicios de Información sobre Hospitales, kʼoa xijekoan, yaa kisixá ya Departamento xi tsʼe Servicio.

Kʼoa sá septiembre nó 2008 kʼiaa ki Skuela xi fi Ndsʼee xi ya tjíojin Comité xi tsʼe Sucursal. Kʼoa xijekoan, yaa kinikasén ya Filipinas nga ya kʼoéjnajinle je Comité xi tsʼe Sucursal xi tíjna ya naxinandá jebi. Kʼoa nga sá septiembre nó 2010 yaa kinikasén ijngokʼa ya Estados Unidos, kʼoa yaa kisixákao je Comité de Servicio xi tsʼe Cuerpo Gobernante.