Bɛbɔle ye nolo bɛhilele United States nee Canada Bɛtɛle mbusua ne wɔ Maanle nwonlomɔ, September 5, 2012 kɛ, bɛkpa awie fofolɛ bɛboka Gyihova Alasevolɛ Neazo Eku ne anwo. Mark Sanderson bɔle gyima bo September 1, 2012.

Adiema Sanderson awovolɛ mɔɔ bɛle Keleseɛnema la tetele ye wɔ San Diego, California, U.S.A., na bɛzɔnenle ye wɔ February 9, 1975. Ɔbɔle adekpakyelɛ gyima ne abo wɔ Saskatchewan, Canada, wɔ September 1, 1983. Ɔwiele Azonvolɛ Ndetelɛ Sukulu ne (mɔɔ ɛnɛ bɛfɛlɛ ye Mediema Mrenya Mɔɔ Bɛtɛgyale Baebolo Sukulu) mɔɔ ɔtɔ zo nsuu mɔɔ bɛyɛle ye wɔ United States wɔ December 1990 la. Bɛkpale Adiema Sanderson kɛ ɔzonle kɛ adekpakyelɛ titile wɔ Newfoundland bɔra ne mɔɔ wɔ Canada la azo wɔ April 1991. Mekɛ mɔɔ ɛnee ɔle maanzinli zo neavolɛ agyakɛnugyinlavolɛ wɔ February 1997 ne anu la, bɛvɛlɛle ye wɔ Canada Bɛtɛle. Wɔ November 2000, bɛyele ye bɛhɔle United States ɔfese ne, na ɛnee ɔyɛ gyima wɔ “Hospital Information Services” na nzinlii ɔhɔle “Service Department.”

Adiema Sanderson hɔle Sukulu mɔɔ bɛyɛ bɛmaa Ɔfese Kɔmatiima la bie wɔ September 2008, na mɔɔ ɔwiele la bɛkpale ye bɛbokale Philippines Ɔfese Kɔmatii ne anwo. Bɛvɛlɛle ye bieko wɔ United States wɔ September 2010 ne anu bɛmanle ɔhɔboale Neazo Eku ne “Service Committee” ne.