Iha 5 Setembru 2012, loron-kuarta dadeer-saan, família iha Betel Estadus Unidus no Kanadá rona avizu ida. Hahú iha 1 Setembru 2012, irmaun Mark Sanderson komesa serbí nuʼudar membru ida husi Grupu Administradór.

Irmaun Sanderson sai boot husi inan-aman kristaun iha San Diego, Kalifórnia, iha Estadu Unidus Amérika, no hetan batizmu iha 9 Fevereiru 1975. Iha 1 Setembru 1983, nia komesa serbí nuʼudar pioneiru iha Saskatchewan, rai-Kanadá. Iha Dezembru 1990, nia ramata kursu Eskola Treinu Atan Kristaun (ohin loron bolu Eskola Bíblia nian ba irmaun sira neʼebé Laiha Kaben) iha Estadus Unidus. Iha Abríl 1991, nia komesa serbí nuʼudar pioneiru tempu-tomak iha illa Newfoundland, rai-Kanadá. Tuirmai, irmaun Sanderson hetan knaar atu sai ajudante ba katuas área nian, no iha Fevereiru 1997, nia komesa serbí iha Betel Kanadá. Iha Novembru 2000, nia muda ba sukursál Estadus Unidus no serbí iha departamentu neʼebé fó informasaun kona-ba ospitál, no depois Departamentu Serbisu nian.

Iha Setembru 2008, irmaun Sanderson tuir Eskola ba Grupu Koordenadór ba Sukursál, no depois serbí nuʼudar membru husi grupu koordenadór iha sukursál Filipinas. Iha Setembru 2010, nia simu konvite atu fila fali ba Estadus Unidus hodi serbí nuʼudar ajudante ba Komisaun Serbisu nian husi Grupu Administradór.