Kotou Lotomalohi ʼi Te Hili ʼo Te Mavete
Kotou Lotomalohi ʼi Te Hili ʼo Te Mavete
“Neʼe au lotomamahi ʼaupito. Neʼe maui malie toma maʼuli pea fokifa pe kua pulinoa ia meʼa fuli.”—MARK, * neʼe mavete kua hili ki ai te taʼu katoa.
“Neʼe tono toku ʼohoana mo he taʼahine ʼe kei finemui ʼaupito. Neʼe fimalie toku loto ʼi te temi ʼae neʼe ma mavete ai, koteʼuhi neʼe mole kei ina gaohi koviʼi au, kaʼe neʼe au lotomamahi pe ʼuhi ko tana fakalainoaʼi au pea neʼe hage pe neʼe mole hoku ʼaoga.” —EMMELINE, neʼe mavete kua hili ki ai taʼu ʼe 17.
Neʼe fakatuʼutuʼu ʼe ʼihi ke natou mavete heʼe ʼi tanatou manatu ʼe lelei age leva ia tonatou ia maʼuli. Kaʼe ko ʼihi age, ʼe mole natou fia mavete kaʼe ʼe mole natou lava taʼofi tonatou ʼohoana ke ʼaua naʼa alu. Kaʼe neʼe tokagaʼi e te tokolahi kua mavete, ʼi te hili ʼo tanatou fai ia te faʼahi ʼaia, neʼe faigataʼa age ia tonatou ia maʼuli. Koia kapau neʼe heʼeki faʼa fualoa hakotou mavete, neʼe lagi kotou logoʼi neʼe ko te aluʼaga pe ʼaia ʼe tahi neʼe faigataʼa ʼaupito ʼi tokotou maʼuli katoa. ʼE ʼaoga anai kia koutou he ʼu tokoni Fakatohi-tapu ke kotou lava tauʼi te ʼu faigataʼaia ʼuhi ko te mavete.
ʼULUAKI FIHIFIHIA: TE ʼU MANATU FAKALOTOMAMAHI.
ʼE feala ke kotou tauʼi te ʼu tuʼania ʼae ʼe tupu mai te ʼu fihifihia ʼi te faʼahi ʼo te falā, peʼe ko te ʼu maʼua ʼa te ʼu matuʼā, peʼe ko takotou nofo tokotahi. Kaʼe ʼe faigataʼa te pulihi ʼo te ʼu mamahi ʼae ʼe kotou logoʼi. Neʼe tokagaʼi e te toketa ko Judith Wallerstein, ko ʼihi logo la te kua fualoa ʼo tanatou mavete, ʼe natou toe logoʼi pe ia tonatou kakāʼi pea mo tonatou liʼakina. Maʼa natou, ko te “maʼuli ʼe kovi mo fakaʼofaʼofa pea ʼe natou logoʼi ia tanatou nofo tokotahi.”
TE MEʼA ʼAE ʼE KOTOU LAVA FAI
▪ Kotou fakaha tokotou mamahi. ʼE lagi kotou logoʼi ia Taaga Lea 5:18) ʼAua naʼa kotou ufiufi ʼi te tagi.—Ekelesiasi 3:1, 4.
te kua puli ʼo tokotou ʼohoana ʼae ʼe kei kotou ʼofa ai. Tatau aipe pe neʼe mole lelei ʼakotou felogoʼi, kaʼe ʼe kotou lotomamahi koteʼuhi neʼe mole kotou maʼu ia te fiafia ʼae neʼe kotou fakaʼamu ki ai ʼi te ʼaho ʼae neʼe kotou ʼohoana ai. (▪ ʼAua naʼa kotou faiga ke kotou to tokotahi. ʼE moʼoni, ʼi ʼihi temi ʼe lelei ke kotou to tokotahi ke feala hakotou tagi. Kaʼe ʼe mole ko he aga fakapotopoto hakotou to tokotahi ʼo fualoa. (Taaga Lea 18:1) Kotou faipalalau mo ʼokotou kaumeʼa ki he ʼu aluʼaga fakafiafia. Kapau ʼe kotou fatufatuʼi tuʼumaʼu ia ia ʼae neʼe kolua ʼohoana, tatau aipe peʼe moʼoni, kaʼe ʼe mole natou fia fakatahi anai mo koutou. Kapau ʼe tonu ke kotou toʼo he ʼu tonu maʼuhiga ʼi te hili pe ʼo takotou mavete, kotou kole tokoni ki he tahi ʼe kotou falala ki ai.
▪ Kotou tokaga ki tokotou maʼuli malolō. ʼE feala ke kotou mahamahaki ʼuhi ko te tuʼania ʼae ʼe tupu mai te mavete, ohage ko te hake ʼo te tosio peʼe ko te mamahi ʼulu. Koia ʼe lelei ke kotou kai fakapotopoto, mo faigaoʼi pea mo tokaga ke feʼauga takotou malolō.—Efeso 5:29.
▪ Kotou toʼo kehe ia meʼa fuli ʼae ʼe toe tupu ai tokotou ita kia ia ʼae neʼe kolua ʼohoana peʼe ko te ʼu meʼa ʼae ʼe mole kei ʼaoga. Kaʼe ʼe lelei ke kotou taupau te ʼu pepa ʼae ʼe maʼuhiga. Kapau ʼe ʼi ai he ʼu meʼa ohage ko he ʼu pakī ʼo takolua ʼohoana, ʼe kotou lotomamahi ai, kotou ʼai ki he kalato pea mo taupau maʼa ʼakotou fanau.
▪ Kotou tauʼi te ʼu manatu fakalotomamahi. Neʼe ui fenei e Olga, ʼae neʼe mavete heʼe neʼe tono tona ʼohoana: “Neʼe au feʼekeʼaki peʼe kotea ʼae neʼe ina leleiʼia ʼi te fafine ʼaia.” Kaʼe ki muli age neʼe mahino ia Olga kapau ʼe ina taupau tuʼumaʼu te ʼu manatu ʼaia, ʼe “loto gaegae” peʼe lotomamahi anai.—Taaga Lea 18:14.
Tokolahi ʼe natou tokagaʼi kapau ʼe natou tohi ʼanatou manatu, ʼe feala ai hanatou mahino ki ʼanatou manatu pea mo taupau te ʼu manatu ʼe lelei. Kapau ʼe kotou fai ia te faʼahi ʼaia, kotou faigaʼi ke kotou fetogi he manatu ʼe fakalotomamahi ʼaki he manatu ʼe fakalotofiafia. (Efeso 4:23) Tou vakaʼi he ʼu faʼifaʼitaki ʼe lua:
Manatu ʼafeā: Neʼe tono toku ʼohoana ʼuhi ko au.
Manatu foʼou: Neʼe mole tonu ke takuʼaki e toku ʼohoana ia tana tono ʼuhi ko ʼaku aga.
Manatu ʼafeā: Neʼe pulinoa toku temi mo te tagata ʼae neʼe au fili hala.
Manatu foʼou: ʼE au fiafia pe anai mo kapau ʼe au haga ki muʼa kaʼe mole au manatu ki toku maʼuli ʼafeā.
▪ ʼAua naʼa kotou tokagaʼi te ʼu palalau fakalotomamahi. ʼE feala ki ʼihi ʼo ʼokotou kaumeʼa peʼe ko tokotou famili ke natou fai atu he ʼu palalau ʼe fakalotomamahi peʼe natou faihala. Ohage la, ʼe natou ui atu: ‘Sio koe, neʼe mole tuha ia mo koe’ peʼe ‘ ʼe fehiʼa ia te ʼAtua ki te mavete.’ * Koia ʼe fai ai ʼi te Tohi-Tapu te tokoni ʼaeni: “Aua naa ke tokaga ki te u palalau fuli ae e lau.” (Ekelesiasi 7:21) Neʼe ui fenei e Martina, ʼae neʼe mavete kua hili ki ai taʼu ʼe lua: “ ʼE au faigaʼi ke ʼaua naʼa au manatu ki te ʼu palalau ʼae ʼe fakalotomamahi, kaʼe ke au maʼu ia te faʼahiga sio ʼa Sehova, koteʼuhi ʼe maʼoluga age ʼana manatu ʼi ʼa tatou.”—Esaia 55:8, 9.
▪ Kotou faikole ki te ʼAtua. ʼE ina fakalotomalohiʼi ʼana kaugana ke natou “hili kia ia [ʼonatou] mafasia fuli,” tafitō la ʼi te ʼu temi ʼae ʼe natou tuʼania ʼaupito ai.—1 Petelo 5:7.
ʼAHIʼAHI TE PULEʼAKI ʼAENI: Kotou tohi te ʼu vaega Tohi-Tapu ʼae neʼe tokoni atu pea mo fakapipiki ki te ʼu faʼahi ʼo tokotou ʼapi ʼe kotou fakalaka tuʼumaʼu ai. ʼO hilifaki ki te ʼu vaega ʼae kua tohi ʼi te alatike ʼaeni, koʼeni te tahi ʼu vaega neʼe ʼaoga kia natou ʼae neʼe mavete: Pesalemo 27:10; 34:18; Esaia 41:10; pea mo Loma 8:38, 39.
LUA FIHIFIHIA: ʼAU FELOGOʼI MO IA ʼAE NEʼE KE ʼOHOANA MO IA.
ʼE ui fenei e Juliana, ʼae neʼe nofo ʼohoana lolotoga taʼu ʼe 11: “Neʼe au kole ki toku ʼohoana ke ʼaua naʼa alu. Kaʼe ʼi tana alu, neʼe kovi ʼosi toku ita kia ia pea mo te fafine ʼae neʼe alu mo ia.” Tokolahi ʼe natou nonofo iita ki ʼonatou ʼohoana logo la te kua fualoa ʼo tanatou kua
mavete. Kaʼe ʼe maʼua foki ke natou felogoʼi, tafitō la mo kapau ʼe ʼi ai ni ʼanatou fanau.TE MEʼA ʼAE ʼE KOTOU LAVA FAI
▪ Kotou taupau he ʼu felogoʼi mo ia ʼae neʼe kolua ʼohoana ʼi te fakaʼapaʼapa. Kotou tokaga tafitō ki te ʼu faʼahi ʼae ʼe maʼuhiga, ʼaua naʼa kotou palalau fualoa, kotou palalau fakapotopoto. Tokolahi neʼe natou tokagaʼi te lelei ʼo te fai ʼo te faʼahi ʼaia, ke feala hanatou taupau ia te tokalelei.—Loma 12:18.
▪ ʼAua naʼa kotou fai he ʼu palalau ʼe fakatupu ita. Koʼeni ia te tokoni poto ʼe fai mai ʼi te Tohi-Tapu mo kapau ʼe agakovi mai he tahi: “Ko ia ae e ina taofi ana palalau e ina iloi te poto.” (Taaga Lea 17:27) Kapau ʼe faigataʼa hakotou felogoʼi, ʼe feala ke kotou ui fenei age: “Atali muʼa ke au alu ʼo fakakaukauʼi ia te faʼahi ʼaia pea hoki au fakaha atu leva.”
▪ Kolua vaevae ʼokolua koloa, mo kapau ʼe feala, ʼo kau ai mo te ʼu faʼahi ʼo ʼuhiga mo te ʼu pepa fakapuleʼaga, mo te falepaʼaga pea mo fakatoketa.
ʼAHIʼAHI TE PULEʼAKI ʼAENI: Ka kotou faipalalau anai mo ia ʼae neʼe kolua ʼohoana, kotou tokagaʼi ia te ʼu faʼahi ʼae ʼe fakatupu ita kia kolua. Kapau ʼe ʼaoga, kole age peʼe feala ke kolua faipalalau ki te faʼahi ʼaia ʼi he tahi age temi peʼe kolua fefaitohiʼaki ʼi te Neti.—Taaga Lea 17:14.
TOLU FIHIFIHIA: TOKONI KI ʼAU FANAU.
Neʼe manatuʼi e Maria ia tonatou aluʼaga ʼi te hili ʼo tanā mavete: “Neʼe tagi tuʼumaʼu taku kiʼi taʼahine muli pea neʼe mahaki. Pea neʼe faigaʼi e taku taʼahine lahi ke ina fufu ia te ʼu meʼa ʼae neʼe ina logoʼi ʼi tona loto. Kaʼe neʼe feala pe ke au tokagaʼi te fetogi ʼo tana aga.” Kaʼe meʼa fakaʼofaʼofa, heʼe kotou tokagaʼi ʼe mole kotou maʼu feʼauga ia te temi pea mo te malohi ke kotou tokoni age kia natou, tafitō ʼi te ʼu temi ʼae ʼe ʼaoga lahi ai kia natou.
TE MEʼA ʼAE ʼE KOTOU LAVA FAI
▪ Kotou fakalotomalohi ʼakotou fanau ke natou fakaha atu te ʼu meʼa ʼae ʼe natou logoʼi, tatau aipe peʼe kotou hage ia ʼe ko he ʼu palalau “vale.”—Sopo 6:2, 3.
▪ Kotou fakahoko ʼakotou maʼua. ʼE moʼoni ʼe kotou logoʼi te ʼaoga ʼae ke fakalotofimalieʼi koutou pea ʼe kotou tokagaʼi ʼe feala ke foaki atu e takotou fanau ia te faʼahi ʼaia. Kaʼe ʼe mole ko he agaʼofa hakotou kole ki takotou fanau ke tokoni atu ke kotou lava tauʼi te ʼu faigataʼaia. (1 Kolinito 13:11) ʼAua naʼa kotou palalauʼi ki takotou fanau te ʼu meʼa ʼae ʼe kotou logoʼi pea mo mamahi ki ai. ʼAua naʼa kotou fekauʼi ia ia ke alu ʼo palalau maʼa koutou kia ia ʼae neʼe kolua ʼohoana.
▪ Kotou haga fakatuʼutuʼu lelei ia te maʼuli ʼo takotou fanau. ʼE lelei ke ʼaua naʼa kotou fetogi ʼapi pea mo fetogi ʼakotou agamahani. Kaʼe ko te maʼuhiga, ke kotou taupau ia te ʼu fakatuʼutuʼu fakalaumalie ohage ko te lau ʼo te Tohi-Tapu pea mo te ako fakafamili.—Tetelonome 6:6-9.
ʼAHIʼAHI TE PULEʼAKI ʼAENI: ʼI te vahaʼa ʼaeni, kotou fakaha ki ʼakotou fanau ʼe kotou ʼoʼofa mamahi ia natou. Kotou fakamahino age kia natou ʼe mole ko hanatou hala mo kapau neʼe kolua mavete. Kotou tali ki ʼanatou fehuʼi, kaʼe ʼaua naʼa kotou tukugakoviʼi ia ia ʼae neʼe kolua ʼohoana.
Koia, ʼe feala ke kotou lotomalohi ʼi te hili ʼo te mavete. Neʼe ui fenei e Melissa, ʼae neʼe nofo ʼohoana lolotoga taʼu ʼe 16: “ ʼI te temi ʼae neʼe au mavete ai, neʼe au manatu fenei: ‘Neʼe mole au fakaʼamu ke feia toku maʼuli.’ ” Kaʼe ʼi te temi nei, kua fiafia logo la te faʼahi ʼaia. Neʼe ina ui fenei: “Neʼe au kamata logo fimalie ʼi te temi ʼae neʼe mole kei au faigaʼi ai ke au fetogi te ʼu aluʼaga ʼae kua hoko.” ▪
[ʼU nota]
^ Neʼe fetogi ʼihi higoa ʼi te alatike ʼaeni.
^ ʼE fehiʼa ia te ʼAtua ki ʼae ʼe mavete ʼaki he aga fakakakā. Kaʼe ka tono he tahi ʼi te taumatuʼa, ʼe foaki e te ʼAtua kia ia ʼae neʼe nofo agatonu ia te fealagia ʼae ke mavete peʼe kailoa.—Malakia 2:16; Mateo 19:9.
KOTOU FAI IA TE ʼU FEHUʼI ʼAENI KIA KOUTOU . . .
▪ Kua puli koa ʼi te temi nei toku lotomamahi ʼae neʼe tupu mai taku mavete mo toku ʼohoana?
▪ ʼE feafeaʼi haku lava tekeʼi toku ita ki ʼae neʼe ma ʼohoana?
[Paki ʼo te pasina 8]
[Paki ʼo te pasina 9]
Kotou kumi tokoni ki te Folafola ʼa te ʼAtua lolotoga te ʼu temi faigataʼa
[Paki ʼo te pasina 10]