AMASUKO KU MEPUSHO YA MU BAIBOLO

Bushe abafwa bakabuuka?

Imfwa kuti twaipashanya ku kulaala utulo pantu abafwa tabeshiba akantu nangu kamo kabili te kuti bacite icili conse. Nangu caba ifi, Lesa uwabumbile abantu, kuti abuusha abafwa. Alilangile ukutila kuti abuusha abafwa, ilyo apeele Yesu amaka ya kubuusha abantu abalekanalekana abafwile.—Belengeni Lukala Milandu 9:5; Yohane 11:11, 43, 44.

Lesa alilaya ukubuusha abantu abo akebukisha ukwisaikala mu calo cipya umushakabe ububifi. Bonse abafwa bakatwalilila ukuba mu nshiishi ukufikila ilyo Lesa akababuusha. Lesa Wa Maka Yonse alafwaisha ukubuusha abafwa.—Belengeni Yobo 14:14, 15.

Bushe cikaba shani ku bakabuuka?

Abantu abo Lesa akabuusha, bakalayishiba abene no kwishiba ifibusa e lyo ne ndupwa shabo. Nangu ca kuti umubili ulabola ilyo umuntu afwa, Lesa kuti abuusha uwafwa ica kuti alamoneka filya fine fye alemoneka kale.—Belengeni 1 Abena Korinti 15:35, 38.

Bantu fye abanono ababuushiwa ukuyaikala ku muulu. (Ukusokolola 20:6) Kanshi abengi abakabuushiwa bakekala umuyayaya muli paradaise pano calo no kutendeka ubumi cipya cipya.—Belengeni Amalumbo 37:29; Imilimo 24:15.

Nga mulefwaya ukwishibilapo na fimbi, belengeni icipandwa 6 na 7 muli ici icitabo, Bushe Cinshi Baibolo Isambilisha?, icalembwa ne Nte sha kwa Yehova

Kuti mwakopolola ici icitabo pa Intaneti pa www.pr418.com

[Icikope pe bula 16]

Cinshi twingapashanishisha imfwa ku kulaala utulo?