Nomfa kwa fana ngwendi nompofu omu muntu a dili kuvhura kugazara ndi kurugana yuma. Nampili ngoso, Musiti geparu kuvhura kutengwidira vafe komwenyo kupitira mevhumbuko. Mokuyilikida eyi, Karunga kwa pere Jesus nonkondo mokuvhumbwira vantu vamwe keparu.—Resa Muudisi 9:5; Johanesa 11:11, 43, 44.

Karunga ga tumbwidira asi nga ka vhumbura vafe nokuvatengwidira keparu mouzuni woupe. Vafe ngesi monontoko vana kara, dogoro apa Karunga nga ka va pa hena eparu. Karunga Munankondo nadinye kuna kara neharo lyokuruganesa nonkondo dendi mokutegwidira vantu keparu.—Resa Joba 14:14, 15.

Apa Karunga nga vhumbura vantu, awo ngava vhura kukalidimburura novakaume novanekoro vawo. Nampili ngomu rutu romuntu aru woro, Karunga nga ka vhura kukamuvhumbura hena.—Resa 1 Vakolinte 15:35, 38.

Koveli vantu tupu wovasesu ava ava vhumbwire keparu lyemeguru. (Ehororo 20:6) Sinzi sava ngava vhumbura ngava paruka moparadisa pevhu. Awo ngava gwana eparu lyepe nehuguvaro lyokukaparuka narunye.—Resa Episarome 37:29; Yirugana 24:15.