Okwenza Kube Budisi Ukuthanda UZimu
Okwenza Kube Budisi Ukuthanda UZimu
“‘Kufuze uthande uJehova uZimakho ngehliziywakho yoke nangomphefumulwakho woke nangomkhumbulwakho woke.’ Lo myalo omkhulu kunayo yoke begodu ngewokuthoma.”—UJesu Krestu, ngo-33 C.E. a
Abanye abantu bakufumana kubudisi ukuthanda uZimu. Baqala uZimu njengomuntu ongazwisisekiko, okude nabo nonelunya. Cabanga ngendlela abanye abazizwa ngayo ngoZimu:
“Bengithandaza kuZimu ngibawa isizo kodwana ngesikhathi esifanako bengizwa ngasuthi ukude nami namkha akafikeleleki. Bengingacabangi ukuthi uZimu umumuntu onemizwa.”—UMarco, we-Italy.
“Nanyana bengizimisele ukulotjha uZimu, bekabonakala akude khulu. Bengicabanga ukuthi unguZimu onganazwela, osijezisa kwaphela. Bengingacabangi ukuthi unethando.”—URosa, we-Guatemala.
“Nangisesemntwana, bengikholelwa bona uZimu bekahlala afuna imitjhaphwethu begodu akulungele ukusijezisa nakayifumanako. Ekukhambeni kwesikhathi ngabona ngasuthi ukude nami. UZimu bekanjengomdosiphambili olawula iindaba zabantu abangaphasi kwakhe kodwana anganandaba nabo.”—URaymonde, we-Canada.
Ucabangani? Kghani uZimu akathandeki? AmaKrestu bekazibuza umbuzo lo iminyaka eminengi. Kuhlekuhle, hlangana nesikhathi sokuwa kombuso wamaRoma, amasondo amanengi bewangathandazi kuZimu uMninimandla Woke. Kubayini? Abantu bebamsaba khulu. Isazi uWill Durant sayibeka ngendlela le: “Umuntu onesono angathandaza njani emuntwini onganazwela nokude kangaka?”
Kuze njani bona uZimu aqalwe njengomuntu “onganazwela nokude”? Khuyini esiyifundiswa yiBhayibheli malungana noZimu? Kghani ukufunda iqiniso ngoZimu kuzokwenza umthande?
[Footnote]
[Pictures on page 3]
[Credit Lines]
Top, trinity: Museo Bardini, Florence; middle, hell: © Photononstop/Superstock
