نەگىزگى تاقىرىپ | قۇدايدان الىستاتاتىن جالعان ۇعىمدار
قۇدايدىڭ ەسىمى جوق دەگەن جالعان ۇعىم
كوپ ادام نە نارسەگە سەنەدى؟
«ٴبىز قۇداي ەسىمىنىڭ بار-جوعىنا قاتىستى ورتاق پىكىرگە كەلە المادىق، ال ەگەر بار بولسا، ونىڭ ەسىمى قانداي دەگەن سۇراق تۋىندايدى» (پروفەسسور دەيۆيد كاننينگەم، «تەولوگيالىق زەرتتەۋلەر»).
كيەلى كىتاپتا جازىلعان شىندىق.
ەحوبا قۇداي مۇسا پايعامبارعا: «جاراتقان يە [ٴياھۋا] مەنى سەندەرگە جىبەرىپ وتىر. ماڭگى باقي مەنىڭ اتىم وسىلاي بولماق»،— دەگەن (مىسىردان شىعۋ 3:15، سىلتەمە). قازاقشا ەحوبا دەپ دىبىستالاتىن بۇل ەۆرەي تىلىندەگى ەسىم «ول بولعىزادى» دەگەندى بىلدىرەدى.
ەحوبا قۇداي ٴبىزدىڭ ونى ەسىمىمەن اتاعانىمىزدى قالايدى. كيەلى كىتاپتا: «ەسىمىن اتاپ وعان سيىنىڭدار، ٵدىل ىستەرىن ۇلتتارعا ٴبىلدىرىپ، ەسىمىنىڭ ۇلىلىعىن حابارلاڭدار!»— دەلىنگەن (يشايا 12:4).
يسا پايعامبار قۇدايدىڭ ەسىمىن قولدانعان. دۇعاسىندا ول ەحوباعا: «ولارعا [يسانىڭ شاكىرتتەرىنە] ەسىمىڭدى اشتىم جانە اشا بەرەمىن»،— دەگەن بولاتىن. نەلىكتەن يسا ٶز شاكىرتتەرىنە قۇدايدىڭ ەسىمىن اشقان؟ ول ٴسوزىن جالعاپ: «سەن [قۇداي] مەنى قالاي سۇيسەڭ، بۇلار دا وزگەلەردى سولاي ٴسۇيۋ ٷشىن ٵرى ولارمەن بىرلىكتە بولۋىم ٷشىن»،— دەگەن ەدى (جوحان 17:26).
نەگە مۇنى ٴبىلۋ ماڭىزدى؟
«قۇدايدى ەسىمىمەن بىلمەيتىن ادام ونى تۇلعا رەتىندە تاني المايدى. سونداي-اق قۇدايدى دەرەكسىز كۇش رەتىندە عانا قاراستىراتىن بولسا، ونى سۇيە المايدى»،— دەيدى ۋولتەر لوۋري ەسىمدى ٴدىن ٴمۇعالىمى.
قۇدايدىڭ ەسىمىن جاسىرۋ نە اۋىستىرۋ ونى كيەلى كىتاپتان كەسىپ الىپ تاستاعانمەن بىردەي
ۆيكتور ەسىمدى كىسى شىركەۋگە اپتا سايىن بارىپ تۇرعانمەن، قۇدايدى شىنىمەن تانىپ-بىلە الماعانىن ايتتى. ول بىلاي دەيدى: «كەيىنىرەك قۇدايدىڭ ەسىمى ەحوبا ەكەنىن بىلگەندە، ونىمەن جەكە تانىسقانداي بولدىم. بۇرىن وسى تۇلعا جايلى كوپ ەستيتىنمىن، ال ەندى ونى تاپقانىمدى ٴتۇسىندىم. سودان ول مەن ٷشىن ٴتىرى تۇلعاعا اينالدى جانە ونىمەن دوستىق قارىم-قاتىناس دامىتا باستادىم».
ەحوبا دا ٶز ەسىمىن قولداناتىن ادامدارعا جاقىندايدى. ٶزىنىڭ «ەسىمىن قۇرمەتتەيتىندەرگە» ول بىلاي دەپ ۋادە بەرەدى: «اكە ٶزىنىڭ ادال قىزمەت ەتىپ كەلگەن ۇلىنا مەيىرىم كورسەتەتىنىندەي، مەن دە ولارعا مەيىرىم كورسەتەمىن!» (مالاحي 3:16، 17). سونداي-اق قۇداي ٶز ەسىمىن اتايتىنداردى جارىلقايدى. كيەلى كىتاپتا: «ەحوبانى اتىن اتاپ كومەككە شاقىرعان اركىم قۇتقارىلادى»،— دەلىنگەن (ريمدىكتەرگە 10:13).
قىزىقتى بولار مالىمەتتەر
ESSENTIAL BIBLE TEACHINGS
اللا تاعالانىڭ ەسىمى بار ما؟
قۇدايدىڭ كوپ لاۋازىمى بار. مىسالى، قۇدىرەتتى، جاراتۋشى، راببى. ٴبىراق كيەلى كىتاپتا ونىڭ دارا ەسىمى 7000 نان استام رەت كەزدەسەدى.
