KʼO JU̱SʼꞸ NU JA PJꞸRꞸ | YO MBɆCHJINE KE KJAKꞸJI RA XO_KAJI MIZHOKJIMI
Dya kjuana ke Mizhokjimi dya ñetse jaga ngeje
KʼO MANJI YO NTEE
Nu Diccionario Akal crítico de Teología mama: “nu Trinidad ngeje na jñaa ke dʼatrjo Mizhokjimi pe ngeji jñii ntee, ngeje nu Tata, nu Trʼii ñe nu Espíritu Santo”. Ñe nu Diccionario abreviado del cristianismo xo bo mama: “Yo católicos, yo ortodoxos, yo anglicanos ñe yo protestantes xo creoji ke nge ga kjanu”.
NE BIBLIA MAMA
ke e Jesús ngeje o Trʼii e Tsʼitajensʼe, pe dya bo mama ke ma chjenjui nu Tata. Go xipji o discípulo: “Na ngeje ra maa kja mi Tata ajensʼe. Na ngeje mi Tatagø xenda na nojo ke na ngezgø” (Juan 14:28). Jesús nrro bo xipji o discípulo: “Nuzgø ya ra magø kja mi Tatagø ajensʼe. Nu kʼꞹ, xo ngeje nin Tatageji. Angeze xo ngeje in Mizhokjimigø. Xo ngeje in Mizhokjimigeji” (Juan 20:17).
Nu espíritu santo dya ngeje na ntee, nange ne Biblia mama ke “O Espíritu Mizhokjimi o kjogꞹ a mboo o mꞹbʼꞹji texeji, me go ñꞹnbꞹ o mꞹbʼꞹji”. Ñe e Jehová go mama: “Ra tⱥjⱥ in Espíritu ra ma bʼꞹbʼꞹ kja o mꞹbʼꞹ yo ntee yo ka̱ra̱ texe kja nu xoñijomꞹ” (Hechos 2:1-4,17). Nu espíritu santo dya ngeje na Trinidad, ngeje o zɇzhi e Palesito ajensʼe, ko nukʼo o dyⱥtrʼⱥ nrrenxe kʼo bʼꞹbʼꞹ.
¿PJENGA ME NA JOO RI PA̱RGEYO?
Yo biblistas católicos Karl Rahner ñe Herbert Vorgrimler, mamabi ke nu Trinidad “dya ga ñetse ja ga ngeje, zø ra yepeji ra xitsiji ja ga nge, dya søø ra tendioji na joyo”. Nudyama, ¿søø ra sʼiyaji na Mizhokjimi ke dya søø ra pa̱rgøji jaga kjaa? Iyo. Ngekʼua nu Trinidad dya pjøxkꞹji ra sʼiyaji e Diosi.
Marco, kʼo ro manji nu otrʼꞹ jñaa, mi nuu ke nu Trinidad mi tsjapꞹ ro jyambꞹbi e Diosi. Angeze bo mama: “Mi søgø ke e Mizhokjimi dya mi nee ke ro pa̱rgø kjo mi nge angeze, ñe nuyo mi tsjapꞹ ro jyambꞹgøbʼe”. Pe ne Biblia mama ke “texe yo kjaa e Mizhokjimi na jotrjo” (1 Corintios 14:33). E Jehová xitsʼkʼøji na joo jaga kjaa angeze. Jesús bo mama: “Nutsʼkʼøjme ri matrʼꞹgøjmekjimi pero ri pa̱rgøjme jaga kjakʼꞹ” (Juan 4:22).
“Ma ro pa̱rgø ke e Tsʼitajensʼe dya mi ngeje na Trinidad—nrro go mama e Marco—, søø ri jogøbʼedya”. Na kjuana ke ma ra pa̱rgøji jaga ngeje e Jehová xo jaga zøʼø angeze, dya ga sʼɇzhi ke ra sʼiyaji ñe ra chɇzhiji angeze. Ne Biblia mama: “Ma kjo kʼo dya sʼiya yo nin minteji, dya pa̱ra̱ Mizhokjimimakʼꞹ. Nange Mizhokjimi me sʼiyazꞹji ri texeji” (1 Juan 4:8).
