TLAMACHTILI TLEN IKA PEUA | TLAMACHTILI TLEN KICHIUA AMO KUALI MA TIKITAKAJ TOTEOTSIJ
Nopa istlakatili tlen kichijki amo ma kiixmatikaj toTeotsij
TLEN MASEUALMEJ KIIJTOUAJ
Ipan nopa Diccionario Akal crítico de Teología kiijtoua: “Trinidad eli se tlamachtili tlen kiijtoua nopa teTaj, iKone uan iTonal mochiuaj san setsi Teotsij”. Uan ipan nopa Diccionario abreviado del cristianismo kiijtoua: “Nopa católicos, ortodoxos, anglicanos uan protestantes tlamachtiaj ni tlamantli”.
TLEN BIBLIA KIIJTOUA
Jesús, toTeotsij iKone, amo kema kiijtok tlaj eliyaya sanse kej iTata. Ya kiijtok: “Nias kampa itstok noTata pampa noTata itstok más ueyi keja na” (Juan 14:28). Teipa, kiiljuik se itokilijka: “Nitlejkos kampa itstok noTata tlen nojkia inmoTata uan yajaya tlen noTeko uan nojkia inmoTeko” (Juan 20:17).
ToTeotsij itonal amo eli se teotsij. Ipan achtoui siglo “itonal toTeko kalajki ipan ininyolo nochi nopa tlaneltokanij uan kintemitik”, uan Jehová kiijtok: “Nijtitlanis notonal ipan nochi tlakamej” (Hechos 2:1-4, 17). ToTeotsij itonal amo eli se teotsij tlen Trinidad, eli toTeotsij ichikaualis.
¿KENKE MONEKI TIJMATIS?
Nopa ixtlamatinij tlen Biblia, Karl Rahner uan Herbert Vorgrimler, katli elij católicos, kiijtouaj nopa Trinidad “amo ueliskiaj kiixmatisej tlaj amo moixtomaskia, uan maske moixtomaskia nojua amo mokuamachiliskia”. Uajka, ¿uelis tikiknelisej se akajya katli amo kuali tikixmatij yon tijkuamachiliaj kenijkatsa eli? Amo. Yeka, nopa tlamachtili tlen Trinidad kichiua amo ma tikiknelikaj toTeotsij.
Marco, tlen tikijtojkej ipan achtoui tlamachtili, kiitayaya nopa Trinidad kej se tlamantli tlen kitsakuiliyaya uan yeka amo ueliyaya kiixmati toTeotsij. Ya kiijtoua: “Nimoiljuiyaya toTeotsij amo kinekiyaya ma tikixmatikaj uan nopa kichiuayaya ma nimoiljui amo kema ueliskia nikixmatis”. Maske kiampa, “toTeko axkineki” ma timokuapolokaj (1 Corintios 14:33). Ya kineki ma tikixmatikaj uan techpaleuia kiampa ma tijchiuakaj. Jesús kiijtok: “Tikixmatij toTeko Dios uan tijueyichiuaj” (Juan 4:22).
Marco nojua kiijtoua: “Kema nijyekok toTeotsij amo eli se Trinidad, uelki nimouampojchiua iuaya”. Kena, tlaj tikitaj Jehová kej se maseuali uan amo kej se akajya katli amo uelis tikixmatisej, techpaleuis ma tikiknelikaj. Biblia kiijtoua: “Aki axteiknelia axkiixmati toTeko, pampa toTeko, yajaya teiknelijkayotl” (1 Juan 4:8).
