HLOGOTABA YA LEPHEPHE LA KA TAWONG | MATSAKA YA MA MAKANG GORE BATHO BA NYENYE MODIMO
Matsaka ya Gore Modimo a sa Tšibege
TSO BATHO BA GO TLALA BA DI DUMELANG
“Dikereke ka ditharo tse digolo tsa Makreste di dumela ga taba ya gore Modimo ke mabitso ka mararo. Ke Modimo Papa, Modimo Morwayi le Modimo Moya wa Hlawolega. Mara taba yowa a ba yi tseye go le kararo ya medimo, ba fo re ke Modimo ka wweši.”—The New Encyclopædia Britannica.
NNETE YA KA HO BHAYIBELENG
Jeso, wa gore ke Morwayi wa Modimo, a sanka a hlaya gore o lekana le Modimo wa gore ke Papage. Mara o yitseri: “Ke ya ga Papa, ka gore Papa ke ye mogolo gaka.” (Johane 14:28) O butsiye le bo ba mo šalang nthago gore: “Ke ya ga Papaka le ga Papa wa lune, le ga Modimo waka le ga Modimo wa lune.”—Johane 20:17.
Moya wa go hlawolega a yi motho. Makreste ya ku botala ba yye “ba ba le moya wa go hlawolega,” ke mokane Jehova a re: “Ke nyoko tshollela moya waka ga motho ye mongwana le ye mongwana.” (Mebereko 2:1-4, 17) Moya wa go hlawolega a yi motho. Ke matšhika ya Modimo.
KE NTABA RE TSHWANELE RE DI TSEYELE GEDIMO
Karl Rahner le Herbert Vorgrimler ba gore ba tšhutegiye ba re: “a di kgonege go kwisisa taba ya mabitso ka mararo re sa gelepe ke Modimo, fote le mo go le ka mokgonone, a di lula go yi kwisisa.” Nje wene o ka kgona go nyaka motho wa gore a di lula go mo kwisisa? Di fo ba lekgwaying gore taba ya gore Modimo ke mabitso ka mararo ke yona yi makang gore batho ba sa be le senghana sa thina le Modimo.
Marco, wa gore go bolabodiwwe ka yene ga hlogotaba ya ku nthago o yi bonne gore taba yowa yi nyoko maka gore batho ba sa mo tšibi ga Modimo. O re: “Ke mo ke nagana gore Modimo aa nyake ke mo tšiba, fote tsotsone di makiye gore a be kgole ka matla, a sa tšibege fote ke nagane gore nka sa kgone go ba le senghana sa thina naye. Mara, “Modimo a yi Modimo wa gore aa kwisisege.” (1 Makorente 14:33, American Standard Version) Modimo aa tiwutetsa. O nyaka re mo tšibe. Jeso o yitseri: “Re ya tšiba gore re rapela ying.”—Johane 4:22.
Marco o re: “Ke mo ke di tšiba gore Modimo a yi mabitso ka mararo, tsotsone di n’gelepiye gore ke thogo ba le senghana sa thina naye.” Mo re bona Jehova go le motho fote re sa mo tseye nkare ke selo se sengwana sa gore a se tšibalege, tsotsone di maka gore go be lula gore re mo nyake ka matla.” Bhayibele yi re: “Motho wa gore aa nyake batho ba bangwana aa mo tšibi ga Modimo ka taba la gore mo ba bolabola ka go nyakanana ba ra Modimo.”—1 Johane 4:8.
