NAʼOJBʼAL REH I PEET PÁGINA | REʼ TAQEH CHUKUJ Q‘ORIK INKIQ‘OR CHI RIIJ I DIOS
Reʼ chukuj qʼorik reʼ xubʼan chi maʼ xnabʼjik ta wach i Dios
REʼ INKIQʼOR TAQEH KʼACHAREEL
«Reʼ ixibʼ chi nimaq taq nimanik inkiqʼor chi ixibʼ ruwiiʼ i Dios: reʼ Dios ajabʼees, reʼ Dios akʼunbʼees eh reʼ Dios Santo Laj Uxlabʼal. Eh wilik woʼ inkiqʼor chi maʼ kʼahchiʼ ta kiloqʼem i ixiibʼ chi Dios ruum chi xa jenaj ruwiiʼ» (The New Encyclopædia Britannica).
REʼ IRUQʼOR I SANTO LAJ HUUJ
Reʼ Jesús, reʼ Rakʼuun i Dios, maʼ xuqʼor ta chi jenaj wach ruukʼ i Rajaaw. Xuqʼor laʼ: «Naa woʼ chik wojiik ruukʼ i waJaaw, ruum reʼ reh qʼeʼ wilik rajaawriik chi nuwach i hin» (Juan 14:28). Eh xuqʼor woʼ reh jenaj rajtahqaneel: «Naa woʼ chik wojiik ruukʼ i waJaaw eh aaWaJaaw woʼ taq i hat, nuDios i hin aaDios woʼ taq i hat» (Juan 20:17).
Reʼ santo laj uxlabʼal maʼ reʼ ta jenaj kʼachareel. Reʼ taqeh i peet ajnimaneel xinunjik chi santo laj uxlabʼal eh reʼ Jehová xuqʼor: «naa nuqasam qohoq i Wuxlabʼal chikinaah chuʼnchel tinamit» (Hechos 2:1-4, 17). Reʼ santo laj uxlabʼal maʼ reʼ ta jenaj dios, reʼ laʼ i ansil irukoj i Dios reh kamanik.
CHAAJ WOʼ REET KO RUMAN CHI NE INANABʼEEJ I WILIH
Reʼ taqeh católico Karl Rahner eh i Herbert Vorgrimler, reʼ inkitzʼir riij i Santo Laj Huuj inkiqʼor chi reʼ naʼojbʼal chi ixibʼ ruwiiʼ i Dios «maʼ ne ta naq inqareq chi riij wilaʼ maʼ iruyeew qeh chi nabʼjik i Dios eh atoobʼ ta jeʼ reʼ maʼ ne ta woʼ naq inqanabʼeej wach chi manlik». Xa reʼ la ¿ne na inqakʼax jenoʼ maʼ qehtʼaliim ta wach? Maʼ ne ta irubʼan. Ruum chi reʼ i naʼojbʼal chi ixibʼ ruwiiʼ i Dios irubʼan chi maʼ ne ta inqehtʼalij wach i Dios oon ne inqaaj wach.
Reʼ Marco, reʼ xqaqʼor pan peet, xrikʼraaj chi reʼ i naʼojbʼal chi ixibʼ ruwiiʼ i Dios iruqʼat naq wach reh runabʼjiik wach i Dios. Reʼ reh xuqʼor: «Inukapaaj naq chi reʼ Dios maʼ iraaj ta naq rukʼuhtaam riibʼ ni xa ta iraaj chi ne inqajil qiibʼ ruukʼ». Ruum aj reʼ i «Dios maʼ reʼ ta yojoj kuxlis irukʼam chaloq» (1 Corintios 14:33). Iraaj laʼ chi ne inqanabʼeej wach. Reʼ i Jesús xuqʼor: Reʼ hoj «qehtʼal awach inqaloqʼej» (Juan 4:22).
Reʼ Marco xuqʼor: «Noq xnutijej chi reʼ i Dios maʼ ixibʼ ta ruwiiʼ, xponik chi wamigo». Wilaʼ reʼ hoj inqil chi reʼ Jehová wilik chi qawach, maʼ kʼaxik ta chi qeh rukʼaxariik. Reʼ Santo Laj Huuj iruqʼor: «Awach i maʼ xtaj i kʼaxooj ruukʼ maʼ rehtʼal ta wach i Dios, ruum reʼ Dios reh aj Kʼaxool» (1 Juan 4:8).
