Se tonal, itech xolal Jerusalén, Jesús ika tajtoj iPopaj, Jiova, uan kiyeknextij inintakajkayaualis taixyekananij itech taneltokalis akin moajsiaj itech nejon tonalmej (Juan 8:12-30). Tein kijtoj nejon tonal techmachtia keniuj moneki tikyekitaskej kemej kineltokaj taltikpakneminij ke tamati Dios. Yejua kijtoj: “Komo namejuan nankisentokaj nankiyektakamatiyoue nochi ten namechilijtok, ijkuakon melau nanmochiuaske nannomomachtijkauan. Uan ijkon nankajsikamatiyaske de ne Tajtoltsin ten yek melau. Uan [...] yejua ne namechtojtomatiu de namotajtakoluan” (Juan 8:31, 32).

Keman kijtoj “Nankisentokaj nankiyektakamatiyoue”, Jesús kiixtalij se taman tein techpaleuis maj tikitakan ox tein tamachtiaj itech taneltokalis yejua “ten yek melauj”. Keman tikonkakis se taman tamachtilis tein kinextis keniuj tamati Dios, xionmotajtani: ¿Mouika nejin tamachtilis ika itajtoluan Jesús, oso itamachtilis, uan ika tein kijtoua nochi Biblia? Xikonchiua ijkon kemej akin kikakkej Pablo uan “kiyektemoliayaj in Tajtoltsin de Dios ten yejuan kipiayaj inmako. Uan kixejekoltiayaj kox in tanojnotsalis de Pablo sen youi ya iuan in Tajtoltsin de Dios” (Hechos 17:11).

Marco, Rosa, uan Raimunda, akin ininka titajtojkej itech yekinika tamachtilis, ika miak nejmachkayot kiyekitakej tein kineltokayaj keman momachtijkej Biblia iniuan itaixpantijkauan Jiova. ¿Keniuj momachilijkej keman kimatkej tein melauak?

Marco: “Akin techmachtiaya, nochipa kitekitiltiaya Biblia keman kinankiliaya nochi netajtanilmej tein nejua uan nonamik tikpiayaj. Peuak tiktasojtaj Jiova, uan peuak okachi kuali timouikaj kemej namikuanij”.

Rosa: “Yekinika, niknemiliaya ke Biblia sayoj katka se amatajkuilol tein kipia inintanemililuan taltikpakneminij tein kineki kinextis keniuj xa tamati Dios. Sayoj ke, itech Biblia yolik monankilijtiyaj nonetajtaniluan. Axkan, nikita ke Jiova yekmelauj nemi uan ueli nitakuaujtamati iuan”.

Raimunda: “Niktataujtij Dios maj nechpaleui maj nikixmati. Seki tonalmej satepan, nonamik uan nejua peujkej timomachtiaj Biblia. ¡Axkan kemaj tikmatkej keniuj yekmelauj moixmati Jiova! Titelyolpakij porin tikmatkej keniuj yekmelauj tamati Dios”.

Biblia amo sayoj kiyeknextia ke amo melauak tamachtilis tein ika kiteixmatiltiaj Dios; ta kitematiltia tein yekmelauj yejuatsin kinextia tein semi kualtsin. Nejin moajsi itech iTajtol tein mochijchiuak ika inepaleuil, uan techpaleuia maj “tikajsikamatikan nochi in uelilisme ten Dios techtayokolijtinemi”, tein kijtosneki, maj tikajsikamatikan keniuj yekmelauj moixmati Dios uan itanejnekilis (1 Corintios 2:12). Xikontemo keniuj Biblia tamachtia keniuj tamati Dios, katiyejua itanejnekilis uan tein panos satepan. Uelis tiontajtanis maj mitsonmachtikan ika Biblia itech www.pr418.com/ncj oso iuan se itaixpantijkauj Jiova. Tikyekmatij ke komo ijkon tikonchiua, tikonitas ke uelis tikontasojtas Dios kemej amo keman tikonnemiliaya ke ueliskia.