Еқвар андо Иерусалимо о Иисусо росԥэнэнас лэ манушэнди пала пэско Дад Иегова, и ԥэнэнас лэ рашанди андэ кодэя время, андэр со вонэ дошалэ (Иоанна 8:12—30). Лэстирэ алава поможын амэнди тэ полас, андэ сави вера адес росԥэнэн о чачимос пала Дэл. О Иисусо ԥэндя: «Если тумэ ритярдён кодэлэсти, сости мэ сытярав, тоди тумэ па чачимастэ мэрнэ ученикоря. Тумэ уӷанэна о чачимос и о чачимос дэла тумэнди свобода» (Иоанна 8:31, 32).

«Если тумэ ритярдён кодэлэсти, сости мэ сытярав...» Кадэла алава о Иисусо ԥэндя, кай тэ поможый амэнди тэ полас, сави вера сытярэл лэ чачимасти. Кала тумэ ашунэн варисо пала Дэл, тоди пушэн пэстар: «Сжанпэ кадэла алава лэ Иисусостирэ алавэнца и кодэлэса, со ԥэнэнпэ андэ Библия?» Сытён кодэлэндар, ко ашунэнас лэ Павлос и драго уӷанэнас и «Писания, кай тэ полэн, кадя када чи най» (Деяния 17:11).

О Марко, и Роза и Раймонда, и дума кастири запистромэ андэ пэрво статья, вонэ внимательно проверили андэр со вонэ патян, кала изучали и Библия лэ Иеговастирэ свидетелёнэнца. Со вонэ уӷанглэ?

Марко: «Кодэва, ко изучал и Библия манца и мэрня хулаяса, дэнас атветоря пэ всаворэ амарэ вопросоря, кати па Библия. Амэ лям тэ любисарас лэ Иеговас, и амаро ери ашэля май састо!»

Роза: «Спэрва мэ гиндосаравас, кай и Библия — када философско книӷа, сави росԥэнэн пала Дэл через лэ манушэндири мудрость. Но через и время мэ полэм, кай и Библия дэл атветоря пэ всаворэ мэрнэ вопросоря. О Иегова ашэля важ мандэ чачуно. Во Кодэва, касти мэ моӷу доверять».

Раймонда: «Мэ мангаваспэ лэ Дэвлэсти тэ поможый манди тэ уӷанав пала лэстэ. Ӥто посли када амэ лэ хуласа лям тэ изучаем и Библия. И акэ, амэ арақлям о чачимос пала Иегова! Сар жэ амэ самас лошалэ тэ уӷанас, саво па чачимастэ о Дэл».

Андэ Библия най просто росԥэнэнпэ о чачимос пала Дэл, но и росԥэнэнпэ, саво о Дэл дэ лашо. Кадэя книӷа лэ Дэвлэстар, через латэ амэ можэм тэ уӷанас вся кода, со о Дэл дя амэнди, кай тэ полас о чачимос (1 Коринфянам 2:12). Васо бы ту на диқэс, сар и Библия дэл атветоря пэ важни вопросоря пала Дэл, пала кода, со во загиндосардя и со амэн аштярэл англэ? Проадиносар атветоря пэ дэсавэ важни вопросоря андо раздело «Сытярэл и Библия > Со ԥэнэнпэ андэ Библия?» по сайто jw.org. Ту кадяжэ можэш тэ мангэс, кай туса тэ изучают и Библия, если зажаса пэ кадэва сайто или тэ пушэс кай ек анда лэ Иеговастирэ свидетеля. Амэ уверени, кай кала ту лэса изучать и Библия, ту полэса: кай тэ любис лэ Дэвлэс пэ бутэстэ май вушэро, чем ту варикала гиндонас.