Miyones di hende ta spera di bay cielo ora nan muri. Hesus a bisa cu su fiel apostelnan lo bay biba den cielo. Prome cu su morto, el a priminti nan cu e ta bay prepara un luga pa nan cerca su Tata Celestial.—Lesa Juan 14:2.

Dicon hende lo ser resucita pa bay biba den cielo? Kico nan lo bay haci eynan? Hesus a bisa su apostelnan cu nan lo bira rey y cu nan lo goberna e tera.—Lesa Lucas 22:28-30; Revelacion 5:10.

Mescos cu un pais ta ser goberna pa un grupo chikito di hende, e tera tambe lo ser goberna pa un grupo chikito di hende cu Hesus ta scoge pa bay biba den cielo. (Lucas 12:32) Bijbel ta bisa exactamente ta cuanto hende lo goberna hunto cu Hesus.—Lesa Revelacion 14:1.

No ta hende cu ta bay cielo so lo haya un recompensa. Tur hende cu ta fiel na Hesus su gobernacion lo biba pa semper den un paradijs aki riba tera. (Juan 3:16) Algun lo sobrevivi e destruccion di e era malbado aki y drenta den Paradijs. Otronan lo ser resucita pa biba den Paradijs.—Lesa Salmo 37:29; Juan 5:28, 29.