Tinhlamulo Ta Swivutiso Swa Bibele
I vamani lava nga ta ya etilweni naswona ha yini?
Vanhu va timiliyoni va tshemba leswaku loko va fa va ta ya etilweni. Yesu u vule leswaku vaapostola vakwe vo tshembeka a va ta hanya etilweni. Emahlweni ko va a fa, u va tshembise ku va lunghiselela ndhawu eka Tata wakwe wa le tilweni.—Hlaya Yohane 14:2.
Ha yini vanhu lava nga emisaveni va pfuxeriwa ku ya hanya etilweni? Xana va ya endla yini kwale? Yesu u byele vaapostola vakwe leswaku a va ta va tihosi. Va ta fuma misava.—Hlaya Luka 22:28-30; Nhlavutelo 5:10.
Xana vanhu hinkwavo lava lulameke va ya etilweni?
Ematikweni yo tala, a ku fumi vanhu vo tala. Tanihi leswi Yesu a pfuxeke vanhu leswaku va hanya etilweni leswaku va ta fuma misava, hi nga langutela leswaku lava hlawuriweke ku va nhlayo leyitsongo. (Luka 12:32) Bibele yi boxa nhlayo leyi heleleke ya lava nga ta fuma na Yesu.—Hlaya Nhlavutelo 14:1.
Yesu u lunghiselele van’wana va valandzeri vakwe ndhawu etilweni. Xana wa swi tiva leswaku va ta endla yini kwale?
A hi lava nga ta ya etilweni ntsena lava nga ta kuma hakelo. Vanhu vo tshembeka lava nga ehansi ka Mfumo wa Yesu, va ta tiphina hi vutomi lebyi nga heriki eparadeyisini emisaveni. (Yohane 3:16) Van’wana va ta nghena eParadeyisini hi ku pona ndzoviso wa mafambiselo lawa ya swilo. Van’wana va ta nghena loko va pfuxiwa.—Hlaya Pisalema 37:29; Yohane 5:28, 29.
U Nga Ha Tsakela
SWIVUTISO LESWI HLAMURIWAKA HI BIBELE
I Vamani Lava Yaka eTilweni?
Mavunwa ya leswaku vanhu hinkwavo lavanene va ya etilweni ma dumile. Bibele yi ri yini hi mhaka leyi?
SWIVUTISO LESWI HLAMURIWAKA HI BIBELE
I Yini Ku Pfuxiwa Ka Vafi?
Swi nga ha ku hlamarisa ku twa leswaku i vamani lava nga ta pfuxiwa enkarhini lowu taka.
XALAMUKA!
I yini Paradeyisi?
Yi le tilweni kumbe i ndhawu ya xiviri laha misaveni? I vamani lava nga ta hanya kwalaho?
