Michelle: Horas Eda. Las rohakku boi pajuppang muse dohot Eda.

Sophia: Au pe las do rohakku Eda.

Michelle: Minggu na lalu, nungnga tabahas kan Eda, sebenarna lungun do roha ni Debata mangida hita susa. * Jala didok Eda tikki i, lam sering do dipikkiri Eda taringot i, apalagi dung kecelakaan omak ni Eda. Ambal ni hata, boha do kabar ni omak?

Sophia: Songon i ma. Sipata sehat, sipata daong. Alai saonari lumayan ma. Sehat do omak.

Michelle: Tuani ma ate. Pasti dang mura ate di Eda mangurus omak.

Sophia: Ido Eda. Asi do rohakku mangida omak songon i.

Michelle: Pasti ma. Pasti dang lomo rohatta mangida keluargatta susa. Minggu na lalu marjanji do au Eda lao mambahas boasa ma dipasombu Debata hita susa. Hape sebenarna tolap do Ibana pasaehon sude masalahta. Diingot Eda do tahe?

Sophia: O, i ma da. Huingot do Eda.

Michelle: Sebelum talului alusna sian Bibel, boi do taulang saotik na tabahas minggu na lalu Eda ?

Sophia: Boi Eda.

Michelle: Tikki i, nungnga tabahas ate taringot sahalak nabi. Ibana pe bingung do, boasa dipasombu Debata godang sitaonon. Alai dang muruk Debata tu ibana, jala dang didok Debata na so adong haporseaonna.

Sophia: I ma da. Au pe baru do huboto adong cerita na songon i di Bibel.

Michelle: Jala nungnga tabahas, sebenarna lungun do roha ni Debata mangida hita susa. Contohna tikki susa naposo ni Debata, didok do di Bibel ‘marsak do pakkilalaan ni Debata’. * Boha do perasaan ni Eda mamboto i?

Sophia: Las ma roha Eda. Tarapul ma roha.

Michelle: Jala taboto balga do huaso ni Debata. Jadi pasti tolap do Ibana pasaehon sude masalahta manang sadihari pe.

Sophia: I ma na mambahen au bingung Eda. Molo sanggup Debata, boasa ma dipasombu Debata hita susa sahat tu saonari?

Michelle: Denggan do sukkun-sukkun ni Eda. Boi do tadapot alusna Eda di Bibel, di bukku 1 Musa. Hea do dibege Eda cerita taringot si Adam dohot si Hawa?

Sophia: Hea, tikki Sikkola Minggu dope iba najolo. Kan diorai Debata do nasida mangallang sada parbue ni hau. Alai dialo nasida do hata ni Debata. Diallang nasida do i.

Michelle: Saonari taida ma, boasa sappe dialo nasida Debata. Porlu do taboto taringot on, asa boi taboto boasa susa hita sahat tu saonari. Boi do tolong jahahon Eda 1 Musa pasal 3 ayat 1 sahat tu 5?

Sophia: Boi. Didok, “Ulok ma binatang na ummalo sian sude binatang liar na dibahen Debata Jahowa. Didok ulok i ma tu borua i, “Ate, tutu do didok Debata dang boi panganonmuna parbue ni akka hau na di taman on?” Dialusi borua i ma, “Boi do panganonnami akka parbue ni hau na di taman on. Alai molo parbue ni hau na di tonga-tonga ni taman i, didok Debata do, ‘Unang pangan parbue ni hau i jala unang jama hamu i, asa unang mate hamu.’” Dung i didok ulok i ma tu borua i, “Dang tutu i, dang na lao mate hamu. Ai na diboto Debata do sadari dipangan hamu parbue ni hau i, tarbukka ma matamuna. Jala gabe songon Debata ma hamu mamboto na denggan dohot na roa.”

Michelle: Mauliate da Eda. Saonari tabahas ma jo ayat on. Na parjolo, didok di ayat i, makkatai do sada ulok tu si Hawa. Molo di ayat na asing dipaboa, Sibolis do sebenarna na mambahen ulok i boi makkatai. * Disukkun Sibolis ma tu si Hawa, aha do paretta ni Debata taringot parbue ni sada hau. Molo diparrohahon Eda di ayat i, aha do akibatna didok Debata molo diallang si Adam dohot si Hawa parbue ni hau i?

Sophia: Ba mate ma nasida.

Michelle: Toho. Alai asing do na didok Sibolis. Didok ibana, “Dang na lao mate hamu.” Jadi hira na margabus do Debata didok Sibolis.

Sophia: O, ido ate.

Michelle: Dang boi dibuktihon tikki i, toho manang na dang tuduhan ni Sibolis i.

Sophia: Boasa songon i?

Michelle: Contohna songon on ma Eda. Adong dua bawa. Didok bawa na sada on, ungogo do ibana sian bawa na sada nai. Boha do carana mambuktihon atik na toho manang na dang hata ni bawa i?

Sophia: Dites ma halak i na dua.

Michelle: Ido. Mungkin disuru ma halak i na dua mangangkat barang na borat ate. Jala pittor boi ma tarida ise na ungogo.

Sophia: Ido. Molo songon i, pittor tarboto do.

Michelle: Ido. Alai boha molo didok bawa na sada on, lebih jujur ibana sian bawa na sada nai? Boi do pittor dibuktihon di tikki i?

Sophia: Hurasa dang boi pittor tarboto i.

Michelle: Ido Eda. Porlu do tikki lao mambuktihon ise na lebih jujur. Dang sarupa i songon membuktihon ise na ungogo. Boi pittor dites di tikki i.

Sophia: I muse ate.

Michelle: Dang boi pittor tarida jujur do sasahalak manang na dang. Porlu do tikki.

Sophia: Pas do i Eda.

Michelle: Molo taida muse cerita ni si Adam dohot si Hawa di bukku 1 Musa sinakkining, didok Sibolis do ungogo ibana sian Debata?

Sophia: Daong. Dang adong didok ibana songon i.

Michelle: Ido. Molo didok Sibolis ungogo ibana sian Debata, boi do pittor dibuktihon Debata di tikki i. Alai on hira didok Sibolis do, ‘Na margabus do Debata. Au do na toho.’ Seolah-olah didok Sibolis lebih jujur do ibana sian Debata.

Sophia: Ba ido ate.

Michelle: Diboto Debata do boha carana membuktihon toho manang na dang hata ni Sibolis i. Jadi dilehon Ibana ma tikki asa boi tarboto hata ni ise do sebenarna na sittong.

Sophia: Alai dung mate si Hawa, tarboto kan Eda hata ni Debata do na toho?

Michelle: Ido memang Eda. Alai adong do muse tuduhan ni Sibolis na asing. Coba ma jo parrohahon Eda muse ayat 5. Aha do na didok Sibolis tu si Hawa?

Sophia: Didok molo diallang si Hawa parbue ni hau i, tarbukka ma matana.

Michelle: Ido, jala didok Sibolis, gabe boi ma si Hawa ‘songon Debata, mamboto na denggan dohot na roa’. Jadi menurut Sibolis, adong na denggan na ditabunihon Debata sian jolma.

Sophia: I muse ate.

Michelle: Tuduhan na serius do on Eda.

Sophia: Maksudna?

Michelle: Secara tidak langsung didok Sibolis, dang porlu si Hawa dohot sude jolma diatur Debata. Lao membuktihon toho manang na dang hata ni Sibolis on pe, porlu do tikki. Alani i, diloas Debata do Sibolis mamaretta portibi on sahat tu saonari. Alani i ma makana gabe lam godang sitaonon Eda. * Alai adong do harapan na dipaboa di Bibel.

Sophia: Harapan aha i Eda?

Michelle: Adong dua Eda. Na parjolo, sai rade do Jahowa mangurupi hita tikki susa. Misalna, coba ma jo tapikkirhon hata ni Raja Daud na disurat di Psalmen 31:7. Tikki i, godang do masalah di ngoluna. Alai aha do na didok ibana di tangiangna? Boi do tolong jahahon Eda ayat on?

Sophia: Boi. Didok, “Las situtu do rohakku ala dipatudu Ho holong ni roham, ai nungnga diida ho hasusaakku, takkas do diboto Ho arsak ni rohakku.”

Michelle: Nang pe godang masalah na diadopi si Daud, alai tarapul do rohana. Alana diboto ibana, diida Jahowa do sitaononna. Saonari pe, diboto Jahowa do songon dia perasaanta, lungun ni rohatta, termasuk ma na so boi diattusi halak. Boha do perasaan ni Eda mamboto on?

Sophia: Berarti diboto Jahowa do tong songon dia perasaanku saonari ate.

Michelle: Ido Eda. Nah, harapan na paduahon, dang dipasombu Debata hita susa saleleng ni lelengna. Didok di Bibel, dang saleleng ni lelengna dipasombu Debata mamaretta Sibolis tu portibi on. Naeng dipaso Debata do i satokkin nai. Jala hasusaan na tahilala saleleng on, termasuk na dihilala Eda dohot omak ni Eda, dang adong be i satokkin nai. Boasa pos rohatta pasti terjadi do i? Boha molo tabahas i minggu na ro? *

Sophia: Boi. Ro ma Eda.