100 ka Tuig nga Paggahom sang Ginharian —Ano ang Epekto Sini sa Imo?
“Daku kag makatilingala ang imo mga binuhatan, Jehova nga Dios, . . . Hari nga dayon.”
1, 2. Ano ang pagahimuon sang Ginharian sang Dios, kag ngaa makasalig kita nga magakari ini?
SA ISA ka bukid malapit sa Capernaum sang tigpamulak sang 31 C.E., gintudluan ni Jesucristo ang iya mga sumulunod nga mangamuyo: “Magkari ang imo ginharian.” (Mat. 6:10) Sa karon, madamo ang nagaduhaduha kon bala magakari pa ang Ginharian sang Dios. Pero nagasalig gid kita nga ang aton sinsero nga pangamuyo nga magkari ini pagasabton.
2 Gamiton ni Jehova ang Ginharian para mahiusa ang iya pamilya sa langit kag sa duta. Ina nga katuyuan sang Dios matuman. (Isa. 55:
ANG GINTANGDO NI JEHOVA NGA HARI NAGAPANGHIKOT
3. (a) San-o si Jesus gintangdo subong Hari, kag sa diin? (b) Paano mo pamatud-an nga natukod na ang Ginharian sang 1914? (Tan-awa ang footnote.)
3 Sa hingapusan sang ika-19 nga siglo, nagsanag ang kapawa sa tagna nga ginrekord ni Daniel mga 2,500 ka tuig na ang nagligad: “Sa mga adlaw sadto nga mga hari magapatindug ang Dios sang langit sing ginharian nga dili gid malaglag.” (Dan. 2:
4. Ano gilayon ang ginhimo sang bag-o nga Hari, kag kanday sin-o niya dayon ginhatag ang iya atension?
4 Ang una nga misyon sang bag-o nga Hari nga gintangdo sang Dios amo ang pagpakig-away kay Satanas, ang panguna nga Kaaway sang iya Amay. Gintabog ni Jesus kag sang iya mga anghel ang Yawa kag ang iya mga demonyo gikan sa langit. Nagresulta ini sing daku nga kalipay sa langit pero daku naman nga halit sa duta. (Basaha ang Bugna 12:
ANG MESIANIKO NGA HARI NAGATINLO SANG IYA MATUTOM NGA MGA SAKOP
5. Ano nga pagtinlo ang natabo sang tungatunga sang 1914 kag maaga nga bahin sang 1919?
5 Sa tapos natinluan sang Hari ang mga langit gikan sa malain nga impluwensia ni Satanas kag sang iya mga demonyo, ginsugo ni Jehova si Jesus nga usisaon kag tinluan ang espirituwalidad sang iya mga sumulunod sa duta. Ginlaragway ini ni manalagna Malaquias subong espirituwal nga pagtinlo. (Mal. 3:
6. Paano ginaaman ang espirituwal nga pagkaon, kag ngaa importante ini?
6 Gingamit dayon ni Jesus ang iya harianon nga awtoridad para magtangdo sing “matutom kag mainandamon nga ulipon.” Ini nga ulipon regular nga magaaman sang espirituwal nga pagkaon sa tanan nga miembro sang “isa ka panong” nga ginaatipan ni Jesus. (Mat. 24:
ANG HARI NAGATUDLO SA IYA MGA SAKOP SA PAGBANTALA SA BILOG NGA DUTA
7. Ano nga importante nga hilikuton ang ginsugdan ni Jesus sang yari sia sa duta, kag asta san-o ini magapadayon?
7 Sang ginsugdan ni Jesus ang iya ministeryo sa duta, sia nagsiling: “Sa iban man nga mga siudad dapat ko ibantala ang maayong balita sang ginharian sang Dios, kay tungod sini ginpadala ako.” (Luc. 4:
8. Ano ang ginhimo sang Hari para mapahulag ang iya mga sakop sa duta?
8 Sang 1919, ang “maayong balita sang ginharian” may dugang nga kahulugan. (Mat. 24:14) Ang Hari nagagahom sa langit, kag natipon na niya ang gamay nga grupo sang natinluan nga mga sakop sa duta. Malipayon nila nga gintuman ining makapahulag nga sugo ni Jesus: Ibantala sa bilog nga duta ang maayong balita parte sa gintukod sang Dios nga Ginharian! (Binu. 10:42) Halimbawa, halos 20,000 ka sumalakdag sang Ginharian ang nagtipon sa internasyonal nga kombension sa Cedar Point, Ohio, U.S.A., sang Septiembre 1922. Handurawa ang ila kalipay sang ginhatag ni Brother Rutherford ang pamulongpulong nga natig-uluhan “Ang Ginharian,” kag nagsiling: “Tan-awa, ang Hari nagagahom! Kamo ang iya mga tiglawas. Gani ibantala, ibantala, ibantala, ang Hari kag ang iya ginharian.” Duha ka libo ka delegado ang nakigbahin sa isa ka pinasahi nga “Adlaw sang Pag-alagad,” nga nagabisita sa mga balay nga asta 72 kilometros ang kalayuon gikan sa ginahiwatan sang kombension. Ang isa ka delegado nga napalig-on nagsiling: “Indi ko gid malimtan ang panawagan nga ibantala ang Ginharian kag ang kakugi sang madamo nga nagtilipon!” Amo man sini ang ginbatyag sang iban.
9, 10. (a) Ano nga mga kahimusan ang ginhimo para hanason ang mga manugbantala sang Ginharian? (b) Paano ka personal nga nakabenepisyo sa sini nga paghanas?
9 Sang 1922, sobra sa 17,000 ka manugbantala sang Ginharian ang aktibo sa 58 ka kadutaan sa bilog nga duta. Pero kinahanglan sila hanason. Sang unang siglo, ang Gintangdo nga Hari naghatag sa iya mga disipulo sing maathag nga sugo kon ano, diin, kag kon paano magbantala. (Mat. 10:
10 Luwas pa sa Teokratikong Eskwelahan Para sa Ministeryo, may ginhimo man nga mga eskwelahan para hanason ang mga gulang, payunir, di-minyo nga mga lalaki, mag-asawa, miembro sang Komite sang Sanga kag ila asawa, nagalakbay nga manugtatap kag ila asawa, kag mga misyonero. * Ang mga estudyante sa isa ka klase sang Bible School for Christian Couples nagpabutyag sang ila apresasyon sa eskwelahan nga nagasiling: “Ang pinasahi nga paghanas nga amon nabaton nagpadalom sang amon gugma kay Jehova kag nagsangkap gid sa amon para buligan ang iban.”
11. Paano nakabatas ang mga manugbantala sang Ginharian bisan pa may pagpamatok?
11 Ining masangkad nga pagbantala sang Ginharian kag mga panikasog sa pagtudlo natalupangdan gid sang kaaway nga si Satanas. Nagagamit sia sing direkta kag malimbungon nga pagsalakay batok sa mensahe sang Ginharian kag sa mga mensahero sini para punggan ini nga hilikuton. Pero indi sia magmadinalag-on. Ginpalingkod ni Jehova ang iya Anak nga “labaw gid sa tanan nga panguluhan kag awtoridad kag gahom kag pagkaginuo.” (Efe. 1:
ANG HARI NAGAORGANISAR SANG IYA MGA SAKOP SA MAS DAKU NGA HILIKUTON
12. Ilaragway ang pila ka pag-uswag sa organisasyon sugod sang natukod ang Ginharian.
12 Sugod sang natukod ang Ginharian sang 1914, ginpauswag sang Hari ang pamaagi sa pag-organisar sa mga alagad sang Dios para matuman ang kabubut-on sang iya Amay. (Basaha ang Isaias 60:17.) Sang 1919, may gintangdo nga service director sa kada kongregasyon para manguna sa pagbantala. Sang 1927, nag-organisar sing regular nga pamalaybalay nga pagbantala kada Domingo. Ang mga sumalakdag sang Ginharian napalig-on para sa mas daku nga hilikuton sang 1931, sang ginbaton nila ang base sa Kasulatan nga ngalan nga mga Saksi ni Jehova. (Isa. 43:
13. Ano ang epekto sa imo sang mga nahimo sang 100 ka tuig nga paggahom sang Ginharian?
13 Hunahunaa ang nahimo sang Mesianiko nga Hari sa sulod sang una nga 100 ka tuig niya nga paggahom. Gintinluan niya ang isa ka katawhan para sa ngalan ni Jehova. Gintuytuyan niya ang pagbantala sing maayong balita sang Ginharian sa 239 ka kadutaan kag gintudluan ang minilyon parte sa mga dalanon ni Jehova. Ginhiusa niya ang sobra sa pito ka milyon nga matutom nga sakop, nga ang kada isa handa sa paghalad sang ila kaugalingon sa pagtuman sang kabubut-on sang iya Amay. (Sal. 110:3) Daku gid kag dalayawon ang mga nahimo ni Jehova paagi sa Mesianikong Ginharian. Pero may mas makalilipay pa nga mga hitabo sa palaabuton!
MGA PAGPAKAMAAYO SANG MESIANIKONG GINHARIAN SA PALAABUTON
14. (a) Ano ang ginapangabay naton sa Dios kon nagapangamuyo kita nga “magkari ang imo ginharian”? (b) Ano ang aton yeartext sa 2014, kag ngaa nagakaigo ini?
14 Bisan pa gintangdo ni Jehova ang iya Anak, si Jesucristo, subong Mesianiko nga Hari sang 1914, indi pa ini bug-os nga sabat sa aton pangamuyo nga “magkari ang imo ginharian.” (Mat. 6:
Ang aton yeartext sa 2014: “Magkari ang imo ginharian.”
15, 16. (a) Ano ang makalilipay nga mga hitabo sa tion sang Isa ka Libo ka Tuig nga Paggahom? (b) Ano ang katapusan nga himuon ni Jesus subong Mesianiko nga Hari, kag ano ang kahulugan sini parte sa katuyuan ni Jehova para sa tanan niya nga tinuga?
15 Sa tapos malaglag sang Mesianiko nga Hari ang mga kaaway sang Dios, itagbong niya si Satanas kag ang iya mga demonyo sa kadadalman sa sulod sang isa ka libo ka tuig. (Bug. 20:
16 Sa katapusan sang Isa ka Libo ka Tuig nga Paggahom ni Cristo, matuman na sang Mesianikong Ginharian ang katuyuan sini. Dayon ihatag ni Jesus ang Ginharian sa iya Amay. (Basaha ang 1 Corinto 15:
17. Ano ang determinado mo nga himuon parte sa Ginharian?
17 Ang makalilipay nga mga hitabo sa sulod sang 100 ka tuig nga paggahom sang Ginharian nagapasalig sa aton nga kontrolado ni Jehova ang mga butang kag ang iya katuyuan sa duta matuman. Kabay pa nga padayon kita nga mangin matutom niya nga mga sakop kag magbantala parte sa Hari kag sa iya Ginharian. Ginahimo naton ini upod ang bug-os nga pagsalig nga sa indi madugay sabton ni Jehova ang aton hanuot nga pangamuyo: “Magkari ang imo ginharian”!
^ par. 3 Tan-awa ang libro nga Ano Gid ang Ginatudlo sang Biblia? pahina 88-92.
^ par. 10 Tan-awa ang Septiembre 15, 2012, nga Ang Lalantawan, pahina 13-17, sa artikulo nga “Teokratiko nga mga Eskwelahan—Pamatuod sang Gugma ni Jehova.”
^ par. 11 Para sa mga halimbawa sang kadalag-an sa korte sa lainlain nga pungsod, tan-awa ang Disiembre 1, 1998, nga Ang Lalantawan, pahina 19-22.