MALWIHU AMUBAYIBOLU ANAYAKULI

Mwalala Bayibolu hiIzu daNzambi?

Izu daNzambi datela kwikala dambukaku nawa Bayibolu dichiyekala. Yihita nayihita yamaBayibolu ayipulinta mumadimi amavulu nankashi. Nsañu yamuBayibolu yikweti ñovu yakuhimpa chihandilu chawantu.—Tañenu 1 Atesalonika 2:13; 2 Timotewu 3:16.

Tweluka netu Bayibolu yafuma kudi Nzambi muloña yatulejaña yuma yakamwekana kumbidi. Kwosi muntu wunateli kutuleja yuma yamuchidiwuku. Chakutalilahu, toñojokenu hamukanda waIsaya. Chibalu chaniwu mukanda achiwanini mwiyeñu kwakwihi nakaluñalwiji kaDead Sea chasonekeluwu henohu kunashali yaaka kubadika ha 100 nakuvwalika kwaYesu. Chahoshaña nawu musumba waBabiloni mwakashakamaña antu wanyi. Awa mazu ashikijeweli katachi hanyima yakwila Yesu wakumisha dehi mudimu windi hamaseki.—Tañenu Isaya 13:19, 20; 2 Petulu 1:20, 21.

Indi Bayibolu ayisonekeli ñahi?

Bayibolu ayisonekeli muyaaka yakubadika ha 1,600. Ansoneki jaBayibolu 40 asonekeli hamutu wumu wamuBayibolu nawa nsañu yasonekeluwu hiyaditadikishañaku. Chumanyi chayikwashili? Nzambi diyi wayikwashili kusoneka.—Tañenu 2 Samweli 23:2.

Mpinji jikwawu, Nzambi wahosheleña nawansoneki jaBayibolu kuhitila mudi añelu, yimwenu niyilota. Nzambi wamulejeleña nsoneki nsañu yatela kusonekayi nikumwinka lusesa lwakusakula mazu atela kuzatishayi hakusoneka mazu aNzambi.—Tañenu Chimwekeshu 1:1; 21:3-5.

Neyi munakukeña nsañu yikwawu, talenu kapetulu 2 kawunu mukanda wasonekawu kudi aYinsahu jaYehova

Loñololenu iyi magazini ha www.pr418.com

[Mwevulu wudi hefu 16]

Muvuñilu waIsaya

[Mazu aKusakilila]

Shrine of the Book, Photo © The Israel Museum, Jerusalem