Omapulo Ombimbiliya Akumbululwa
OMAPULO OMBIMBILIYA AKUMBULULWA
Okuti Ombimbiliya tyilityili Ondaka ya Huku?
Hamwe ove ukevela Ondaka ya Huku ilikalele, iya Ombimbiliya yelikalela umwe. Ombimbiliya yapitiyua momalaka omanyingi. Ounongo ukahi Mombimbiliya una epondolo liokupilulula ovanthu opo vakale novituwa oviwa.
Tutyii okuti Ombimbiliya ondaka ya Huku mokonda ipopia nawa-nawa etyi matyikamoneka komutwe. Petupu omunthu nawike upondola okulinga ngotyo. Mongeleka, tala omukanda wa Isaía. Okopiya imwe yomukanda oo yavasiwa meleva popepi nelunga litiwa Mar Morto, yahonekwa omanima omanyingi konyima, puetyi nkhele Jesus ehenetyitwe. Okopiya oyo ipopia okuti epundaumbo lio Mbambilonia kamalikakala vali ovanthu. Etyi eulo olio liafuisuapo Jesus weiliale pano pohi.
Oñgeni Ombimbiliya yahonekwa?
Ombimbiliya yahonekwa mokueenda kuomanima 1.600. Yahonekwa novanthu 40, mahi aveho vapopia vala konthele yotyipuka tyike. Oñgeni vetyivila? O Huku wevekuatesileko.
Ovikando vimwe, Huku ankho upopila ovahoneki Vombimbiliya pokati konoandyu, nomamonekelo. Huku wapakele omalusoke momitwe viovahoneki iya eveyeke vaholovone oñgeni mavahoneka etyi evepopila.
Opo unoñgonoke vali konthele yotyo, tala okapitulu 2 komukanda ou, walingua no Nombangi mba Jeova
Tupu ukahi mo www.pr418.com