Bo ta haci oracion cu frecuencia? Hopi hende ta haci esey; hasta algun ateo. Pero dicon hende ta haci oracion? Segun un encuesta cu nan a haci na Francia, mitar di e poblacion sa haci oracion of medita “simplemente pa nan sinti nan mes mihor.” Mescos cu hopi otro Europeo, nan no ta haci oracion pa comunica cu Dios; mas bien, nan ta interesa den “e efecto trankilisante di oracion.” Ademas, tin hende creyente cu ta resa na Dios solamente ora nan tin mester di algo, y nan ta spera pa Dios contesta nan oracion di biaha.—Isaias 26:16.

Kico abo ta pensa? Oracion ta djis un medio pa yuda bo organisa bo pensamentonan? Si bo ta kere den Dios, bo ta sinti cu Dios ta contesta bo oracionnan of no? Bijbel por yuda bo mira cu oracion no ta un terapia pa pone bo sinti bo mes bon, sino un medio sumamente valioso pa yuda bo hala cerca Dios.