¿Diosmanta mañakunkichu? Ashkha runasqa, Diospi mana creespapis mañakunku. ¿Imaraykú? Franciapi runasta tapurikusqanman jina, khuskan nerqanku Diosmanta mañakusqankuta chayri tʼukurisqankuta “sonqonku tiyaykunallanpaj”. Ashkha europeos jinallataj mana Diosta yupaychanankupajchu mañakunku. Chantapis wakin runasqa, Diospi creespapis, llakiypi kaspalla Diosmanta mañakunku, usqhayllata yanapanantataj suyanku (Isaías 26:16).

¿Qanrí allin yuyayniyoj kanallaykipajchu Diosmanta mañakunki? Diospi creenki chay, ¿uyarisusqanta reparankichu chayri nichu uyarisunki? Bibliaqa yanapasonqa, Diosmanta mañakuy mana sonqota tiyaykuchinallanpajchu kasqanta reparanaykipaj, manaqa Diosman qayllaykunapaj kasqanta.