Unasali kwa ukawaida? Watu wengi wanasali kwa ukawaida, hata watu fulani wasioamini kwamba kuna Mungu. Lakini sababu gani watu wanasali? Kulingana na uchunguzi uliofanywa katika inchi ya Ufaransa, nusu ya wakaaji wa Ufaransa wanasali ao wakati fulani wanatafakari “ili tu kujisikia vizuri.” Kama wakaaji wengi wa Ulaya, wakaaji hao wa Ufaransa hawasali ili kumuabudu Mungu. Lakini, wanatafuta “matokeo yenye kutuliza ya sala.” Kwa upande mwengine, waamini fulani wanasali kwa Mungu wakati tu wana uhitaji, wakitazamia kupata jibu kwa sala zao wakati huohuo.​—Isaya 26:16.

Wewe unasali kwa sababu gani? Unafikiri kwamba sala ni njia tu ya kukusaidia kuondoa mawazo mabaya? Ikiwa unaamini Mungu, unaona kwamba sala inakusaidia katika maisha yako? Ao, unaona kwamba sala zako hazijibiwe? Biblia inaweza kukusaidia usione sala kuwa tu njia ya kukufanya ujisikie vizuri, lakini uione kuwa njia nzuri zaidi ya kumukaribia Mungu.