OMAPULO OMBIMBILIYA AKUMBULULWA

Oityi Jesus makalinga komutwe?

Menima 33 P.K., Jesus wankhia, atutiliswa, aende keulu. Konyima, Jesus apewa outumini opo akale Ohamba. (Daniel 7:13, 14) Komutwe, Jesus makaundapa ngo Hamba opo aete ombembwa mouye nokumanako oluhepo.—Tanga Salmo 72:7, 8, 13.

Jesus makalinga ovipuka vihuvisa tyina Akatumina ovanthu. Makaundapesa epondolo Tate yae emuavela opo akondole ovanthu komuenyo uhena nkhali. Ovanthu mavakakala nomuenyo wehambu tyihakulupa vali nokunkhia.—Tanga João 5:26-29; 1 Coríntios 15:25, 26.

Oityi Jesus ekahi nokulinga pehepano?

Jesus pehepano ukahi nokuhongolela ovilinga viokuivisa ouye auho ovalanduli vae votyotyili vekahi nokulinga. Vatalelapo ovanthu opo vevelekese etyi Ombimbiliya ipopia konthele Youhamba wa Huku. Jesus wetyipopile okuti matualako okukuatesako ovalanduli vae movilinga ovio alo Ouhamba wa Huku unyimako ovatumini vovanthu.—Tanga Mateus 24:14; 28:19, 20.

Newaneno Liovakristau votyotyili, Jesus ukahi nokuhongolela ovanthu mondyila ongwa yomuenyo. Matualako okuvehongolela alo valamba mehanyauno liouye uno wovivi okuenda nomouye omupe Huku alaa.—Tanga 2 Pedro 3:7, 13; Revelação 7:17.

Opo unoñgonoke vali konthele yotyo tala okapitulu 8 momukanda ou, walingwa no Nombangi mba Jeova

Tupu ukahi mo www.pr418.com