Baiblo Mi Sane Bimihi Nɛ A Ha Heto
Mɛnɔ tutuutu nɛ ngɛ je ɔ nɔ yee?
Ke Mawu lɛ ngɛ je ɔ nɔ yee ɔ, anɛ haomi ko hyi je ɔ tɔ kaa bɔ nɛ e ngɛ nɛ ɔ lo?
Nihi fuu susu kaa anɔkuale Mawu ɔ ji nɔ nɛ ngɛ je nɛ ɔ nɔ yee. Se ke Mawu lɛ ngɛ je ɔ nɔ yee ɔ, anɛ haomi ko hyi je ɔ tɔ kaa bɔ nɛ e ngɛ nɛ ɔ lo? (5 Mose 32:4, 5) Baiblo ɔ tsɔɔ kaa yiwutsotsɛ ko ji nɔ nɛ ngɛ je ɔ kudɔe.
Kɛ ba kɛɛ nɛ yiwutsotsɛ ko ba bɔni adesahi a nɔ yemi ɔ? Benɛ Mawu bɔ Adam kɛ Hawa a, e kɛ we kulaa nɛ bɔfo ko tsɔ Mawu hɛ mi atua, nɛ e ha nɛ Adam kɛ Hawa hu pee jã. (1 Mose 3:1-6) Adam kɛ Hawa bu Satan nɛ ji atua tsɔlɔ ɔ tue, nɛ Satan ba pee a nɔ yelɔ. E ngɛ mi kaa Mawu Ope ɔ ji nɔ nɛ e sa kaa e ye adesahi a nɔ mohu lɛɛ, se e suɔ kaa nihi nɛ́ a kplɛɛ e nɔ yemi ɔ nɔ ngɛ suɔmi nɛ a ngɛ ha lɛ ɔ he je. (5 Mose 6:6; 30:16, 19) Aywilɛho sane ji, Satan sisi nihi fuu nɛ mɛ hu a tsɔ Mawu hɛ mi atua kaa bɔ nɛ Adam kɛ Hawa pee ɔ.
Mɛnɔ maa po adesa haomihi a se?
Anɛ Mawu maa ngmɛ Satan yiwutsotsɛ ɔ blɔ nɛ e ye adesahi a nɔ daa lo? Ohoo! Mawu ma ha nɛ Yesu ma puɛ Satan ní tsumi ɔmɛ tsuo.
Mawu ma ha Yesu he wami konɛ e kpata Satan hɛ mi. (Roma Bi 16:20) Lɔ ɔ se ɔ, Mawu maa ye adesahi a nɔ, nɛ e ma ha adesahi ma ná bua jɔmi kɛ tue mi jɔmi kaa bɔ nɛ e to e yi mi kɛ je sisije ɔ.
Eko ɔ, O Bua Maa Jɔ Enɛ ɔ Hu He
HWƆƆMI MƆ
Mɛni Heje Nɛ Tue Mi Jɔmi Be Je ɔ Mi ɔ?
Ngɛ mɔde nɛ adesahi bɔ ɔ tsuo se ɔ, a nyɛ we nɛ a ha tue mi jɔmi nɛ ba je ɔ mi. Mo hla nɔ́ heje.
