Tubag sa mga Pangutana Bahin sa Bibliya
Kinsa ba gyod ang nagmando sa kalibotan?
Kon ang Diyos maoy nagmando niining kalibotana, mapuno kaha ang yuta sa pag-antos?
Daghan ang nagtuo nga ang matuod nga Diyos maoy nagmando sa kalibotan. Apan kon tinuod kana, nganong ang yuta puno man sa pag-antos? (Deuteronomio 32:4, 5) Sumala sa Bibliya, ang kalibotan gikontrolar sa usa nga daotan.—Basaha ang 1 Juan 5:19.
Sa unsang paagi ang katawhan nailalom sa kontrol sa usa nga daotan? Sa sinugdan sa kasaysayan sa tawo, usa ka anghel ang mirebelde sa Diyos ug naghaylo sa unang magtiayon sa pagrebelde usab. (Genesis 3:1-6) Ang magtiayon misunod sa rebeldeng anghel nga si Satanas, nga nagpili kaniya ingong ilang magmamando. Ang Labing Gamhanang Diyos lang ang may katungod ingong Magmamando. Apan gusto niyang pilion siya sa mga tawo ingong magmamando tungod sa ilang gugma kaniya. (Deuteronomio 6:6; 30:16, 19) Ikasubo, daghan ang nalimbongan sa paghimog sayop nga pagpili sama sa gihimo ni Adan ug Eva.—Basaha ang Pinadayag 12:9.
Kinsay mosulbad sa mga problema sa katawhan?
Tugotan ba sa Diyos nga magpadayon si Satanas sa iyang daotang pagmando? Dili! Pinaagi kang Jesus, taposon sa Diyos ang daotang epekto sa pagmando ni Satanas.—Basaha ang 1 Juan 3:8.
Hatagan sa Diyos si Jesus ug gahom sa paglaglag kang Satanas. (Roma 16:20) Dayon, ang Diyos magmando sa katawhan ug ipasig-uli niya ang malipayon ug malinawong kinabuhi nga maoy iyang orihinal nga katuyoan.—Basaha ang Pinadayag 21:3-5.
Basin Ganahan Pod Ka
TUBAG SA MGA PANGUTANA BAHIN SA BIBLIYA
Ang Diyos bay Hinungdan sa Atong Pag-antos?
Ang tanan makasinatig pag-antos—bisan kadtong giuyonan sa Diyos. Ngano?
ANG BANTAYANANG TORRE
Nganong Lisod Makab-ot ang Kalinaw sa Kalibotan?
Bisan pa sa sinserong paningkamot sa daghan, wala gayod makab-ot sa mga tawo ang kalinaw sa kalibotan. Sayra kon ngano.
TUBAG SA MGA PANGUTANA BAHIN SA BIBLIYA
Kalinaw sa Yuta—Sa Unsang Paagi Kini Makab-ot?
Sayra kon unsay gisaad sa Diyos bahin sa pagpatunghag kalinaw sa yuta pinaagi sa iyang Gingharian.
