Sanebimɔi ni Biblia lɛ Ehã Hetoo
Namɔ diɛŋtsɛ yeɔ je nɛɛ nɔ?
Eji Nyɔŋmɔ ji mɔ ni yeɔ je nɛɛ nɔ kulɛ, ani amanehulu baafa nɛkɛ?
Mɛi pii heɔ yeɔ akɛ anɔkwa Nyɔŋmɔ lɛ ji mɔ ni yeɔ je nɛɛ nɔ. Shi kɛ́ Nyɔŋmɔ ji mɔ ni yeɔ je lɛ nɔ lɛɛlɛŋ lɛ, ani amanehulu baayi je lɛ tɔ nɛkɛ? (5 Mose 32:4, 5) Biblia lɛ tsɔɔ akɛ, mɔ fɔŋ ko ji mɔ ni yeɔ je lɛ nɔ.
Te fee tɛŋŋ ni mɔ fɔŋ ko ná hewalɛ yɛ adesai anɔ lɛ? Yɛ adesai ayinɔsane shishijee mli lɛ, ŋwɛibɔfo ko tse Nyɔŋmɔ hiɛ atua ni ewo klɛŋklɛŋ adesai enyɔ lɛ hewalɛ ni amɛ hu amɛfee nakai. (1 Mose 3:1-6) Adam kɛ Hawa hala akɛ amɛaabo Satan ni ji nakai ŋwɛibɔfo shiteekɛwolɔ lɛ toi, ni enɛ hã Satan batsɔ amɛnɔyelɔ. Nyɔŋmɔ Ofe lɛ pɛ ji mɔ ni sa akɛ eye adesai anɔ, shi eesumɔ ni mɔ fɛɛ mɔ ajɛ suɔmɔ ni eyɔɔ kɛhã lɛ lɛ mli ni ebo lɛ toi. (5 Mose 6:6; 30:16, 19) Awerɛho sane ji akɛ alaka mɛi pii ni amɛ hu amɛtse Nyɔŋmɔ hiɛ atua taakɛ Adam kɛ Hawa fee lɛ pɛpɛɛpɛ.
Namɔ baatsu adesai anaagbai lɛ ahe nii?
Ani Nyɔŋmɔ baahã Satan aye adesai anɔ daa? Dabida! Nyɔŋmɔ baahã Yesu asaa nibii gbohii fɛɛ ni Satan efite lɛ.
Nyɔŋmɔ baahã Yesu hewalɛ ni ekɛkpata Satan hiɛ. (Romabii 16:20) Kɛkɛ lɛ, Nyɔŋmɔ baaye adesai anɔ ni ebaahã amɛhi shi yɛ miishɛɛ kɛ toiŋjɔlɛ mli taakɛ eto ni amɛhi shi lɛ.
Ekolɛ Obaasumɔ Enɛ Hu
SANEBIMƆI NI BIBLIA LƐ EHÃ HETOO
Ani Esa Akɛ Ashwa Nyɔŋmɔ Yɛ Wɔnɔnai Lɛ Ahewɔ?
Adesai fɛɛ naa nɔ—mɛi po ni yɔɔ Nyɔŋmɔ hiɛ duromɔ lɛ hu fata he. Mɛni hewɔ?
BUU-MƆƆ
Mɛni Hewɔ Ewa Akɛ Abaaná Toiŋjɔlɛ yɛ Je Lɛŋ Fɛɛ Lɛ?
Yɛ mɔdɛŋ fɛɛ ni adesai ebɔ lɛ, amɛnyɛko amɛkɛ toiŋjɔlɛ aba je lɛŋ fɛɛ. Taomɔ nɔ hewɔ.
SANEBIMƆI NI BIBLIA LƐ EHÃ HETOO
Shikpɔŋ Nɔ Toiŋjɔlɛ—Te Ebaafee Tɛŋŋ Eba?
Kanemɔ sane nɛɛ koni ona shi ni Nyɔŋmɔ ewo akɛ ebaatsɔ e-Maŋtsɛyeli lɛ nɔ ekɛ toiŋjɔlɛ aba je lɛŋ fɛɛ.
