Mëtsikaq nunakunam pensayan Dios kë munduta gobernëkanqanta. Tsë rasumpa kaptinqa, ¿tsëläya sufrimientukuna kanmantsuraq? (Deuteronomiu 32:4, 5.) Bibliaqa yachatsikun kë munduta juk rumi shonqu mandakoq gobernëkanqantam. (Leyi 1 Juan 5:19.)

Y tsë mandakoqqa, ¿imanöpataq kë munduta gobernar qallëkurqan? Qallananchömi, juk angel Diospa contran tikrarirqan, y punta kaq ollqutawan warmitam pëman qaqäyänampaq inkitarqan (Genesis 3:1-6). Pëkunaqa Satanasta cäsukuyänampaqmi churakäyarqan. Llapanta Puëdeq Diosllam entëru munduta Gobernanampaq derëchuyoq, peru pëqa munan nunakuna kuyarnin cäsuyänantam (Deuteronomiu 6:6; 30:16, 19). Peru llakikïpaqqa, cäsi llapan nunakuna Adanwan Ëva rurayanqanta qatiyanqanmi. (Leyi Apocalipsis 12:9.)

¿Dios permitinqatsuraq Satanas imëkamayaqpis mandakunanta? Manam, tsëpa rantinqa, Satanas tukï mana allikunata ruranqanta ushakätsinampaqmi Diosqa Jesucristuta cargun qoshqa. (Leyi 1 Juan 3:8.)

Diosqa Jesucristutam cargun qoshqa Satanasta ushakätsinampaq (Romänus 16:20). Tsëpitanam, llapan nunakunata Dios gobernamunqa y puntata munanqannömi nunakunata kushishqa y yamë kawakïta qonqa. (Leyi Apocalipsis 21:3-5.)