Achka runakunam ninku kay Pachata Dios kamachisqanta. Sichu pay kamachiptinqa ¿kanmanchu ñakariykuna? (Deuteronomio 32:4, 5.) Bibliam yachachiwanchik kay Pachaqa mana allin kamachiqpa makinpi kasqanta. (Leey 1 Juan 5:19.)

Ichaqa, ¿imaynatam kamachiyta qallaykurqa? Satanasqa huk angelmi karqa, chayna kaspanpas Diospa contranpim hatarirurqa hinaspam Adantawan Evatapas huchallirachirqa (Genesis 3:1-6). Chaynapim paykunaqa Satanaspa kamachisqanña rikurirurqaku. Diosllam runakunata kamachinanpaq atiyniyoqqa, hinaspapas munanmi kuyasqanchikrayku kasukunanchikta (Deuteronomio 6:6; 30:16, 19). Ichaqa llakikunapaqmi achka runakuna Adanwan Eva hina Diosta qepancharunku. (Leey Apocalipsis 12:9.)

¿Wiñaypaq Satanas kamachinantachu Diosqa saqenqa? Manamá. Diosqa Diablopa tukuy mana allinkuna ruwasqantam Jesucristontakama allichanqa. (Leey 1 Juan 3:8.)

Diosqa Jesusmanmi atiyta qorqa Satanasta chinkachinanpaq (Romanos 16:20). Chaynapim Diosqa runakunata kamachinqa, hinaspam qallariypi munasqanman hina kusisqa hinaspa hawka kawsakusunchik. (Leey Apocalipsis 21:3-5.)