Bantu bebungi akumiina shi Efile Mukulu a binyibinyi nyi kwete kukunkusha nsenga. Kadi su mbyabya, bwakinyi nsenga ngiule na makyenga? (Miiya Ikituulwe 32:4, 5) Bible apatuula shi nsenga i ku matalwa a mubi.​—Badika 1 Yowano 5:19.

Mushindo kinyi ubaadi uno mubi mupete matalwa a kukunkusha bantu? Ku mbangilo a myanda ya bantu, mwikeyilu umune ubaadi utombokyele Efile Mukulu na kutakula mulume na mukashi ba kumpala bwa kutombokyela Efile Mukulu. (Kibangilo 3:1-6) Uno mulume na mukashi abasangwile bwa kukokyela mwikeyilu ubatombokyele, Satana, bewikasha bu mukunkushi aabo. Efile Mukulu sha bukome booso bupenka bwaye nyi mukunkushi mululame, kadi akyebe shi bantu basangule bukunkushi bwaye mwanda be naye kifulo. (Miiya Ikituulwe 6:6; 30:16, 19) Bya malwa, bebungi mbadimbibwe pabo kwata bitshibilo bibubi nka bu bibakitshine mulume na mukashi ba kumpala.​—Badika Bifumbulwe 12:9.

Efile Mukulu akyebe kutadiila Satana bwashi atungunukye na bukunkushi bwaye bwibubi su? Nya! Efile Mukulu akyebe kufuba na Yesu bwa kulumbuula myanda ibubi yabadi bakite kwi Satana.​—Badika 1 Yowano 3:8.

Efile Mukulu akyebe kupa Yesu bukome bwashi abutule Satana. (Beena-Looma 16:20) Akupu Efile Mukulu akyebe kukunkusha bantu na kwalusha kifuko kya bantu na muwa wa muloo na kufukama mushindo ubaabadi kumpala.​—Badika Bifumbulwe 21:3-5.