Majibu ya Maswali ya Biblia
Ni nani hasa anayeutawala ulimwengu?
Kama Mungu ndiye anayetawala ulimwengu huu, hakungekuwa na matatizo mengi hivi
Watu wengi wanaamini kwamba Mungu wa kweli ndiye anayetawala ulimwengu huu. Lakini kama Mungu ndiye anayetawala, je, ulimwengu ungekuwa na matatizo mengi hivi? (Kumbukumbu la Torati 32:4, 5) Kulingana na Biblia, ulimwengu unaongozwa na kiumbe fulani mwovu.
Ilikuwaje mpaka kiumbe mwovu akaanza kuwatawala wanadamu? Mwanzoni mwa historia ya wanadamu, malaika fulani alimwasi Mungu na akawashawishi wanadamu wawili wa kwanza waasi pia. (Mwanzo 3:1-6) Wanadamu hao waliamua kumtii malaika huyo mwasi, Shetani, na hivyo kukubali awe mtawala wao. Mungu Mweza-Yote ndiye Mtawala anayestahili, lakini anataka watu wakubali utawala wake kwa hiari. (Kumbukumbu la Torati 6:6; 30:16, 19) Kwa kusikitisha, wanadamu wengi wamepotoshwa na kufanya uamuzi mbaya kama ule wa wanadamu wawili wa kwanza.
Ni nani atakayetatua matatizo yanayowapata wanadamu?
Je, Mungu ataruhusu utawala mwovu wa Shetani uendelee? Hapana! Mungu atamtumia Yesu kuondoa uovu ambao umesababishwa na Shetani.
Yesu atatumia mamlaka aliyopewa na Mungu kumwangamiza Shetani. (Waroma 16:20) Kisha, Mungu atawatawala wanadamu na kuwarudishia maisha yenye furaha na amani kama alivyokusudia mwanzoni.
Huenda Ukapenda Pia
MAJIBU YA MASWALI YA BIBLIA
Je, Mungu Ndiye wa Kulaumiwa kwa Sababu ya Kuteseka Kwetu?
Mtu yeyote anaweza kuteseka—hata watu walio na kibali cha Mungu. Kwa nini?
MNARA WA MLINZI
Kwa Nini Hakuna Amani Duniani?
Licha ya jitihada nyingi, wanadamu hawajafaulu kuleta amani duniani. Jifunze ni kwa nini.
MAJIBU YA MASWALI YA BIBLIA
Amani Duniani—Itapatikanaje?
Jifunze jinsi ambavyo Mungu ameahidi kuleta amani duniani kupitia Ufalme wake.
