Apulilo Embimbiliya a Tambuluiwa
Helie o kasi oku viala oluali lulo?
Nda Suku eye wa kale ombiali yoluali, anga hẽ voluali nda mueyuka vali ohali?
Omanu va tava okuti Suku yocili eye o kasi oku viala oluali lulo. Pole nda eci ca kale ocili, anga hẽ voluali nda mueyuka vali ohali? (Esinumuĩlo 32:4, 5) Ndomo ca lomboluiwa Vembimbiliya, oluali lu kasi peka lia umue ondingaĩvi.
Omunu umue ondingaĩvi, o pondola ndati oku viala omanu? Kefetikilo, ungelo umue wa sinĩla Suku kuenje wa vetiyavo olohueli viatete oku sinĩla Suku. (Efetikilo 3:1-6) Oloweli viaco via nõlapo oku pokola kungelo uvĩ, Satana kuenje wa linga ombiali yavo. Suku ukuonenewosi eye lika Ombiali ya sunguluka, pole, o yongola okuti omanu va nõlapo oku tiamẽla kuviali waye omo liocisola vo kuetele. (Esinumuĩlo 6:6; 30:16, 19) Ci sumuisa calua omo okuti, omanu valua va siatavo oku yapuisiwa oco va nõle onjila yĩvi ndeci olohueli viatete via linga.
Helie o ka tetulula ovitangi viomanu?
Anga hẽ Suku o ka ecelela okuti Satana amamako oku viala? Sio! Suku o ka tuma Yesu oco a maleko evĩho liosi Satana a nena voluali.
Lunene wa Suku, Yesu o ka nyola Satana. (Va Roma 16:20) Noke Suku o viala omanu kuenje o ka tumbulula ekalo liwa liomanu ndeci a yonguile kefetikilo okuti vakuata esanju lombembua.