Takorlooruk ataataasup er­ni arfineq-marlun­nik ukiulik oqaloqatigalugu ima oqar­toq: “Itsarsuaq Guutip nunarsuaq tas­saniit­tul­lu tamaasa pin­ngor­tip­pai, aam­ma seqineq, qaam­mat ul­loris­sal­lu pin­ngor­tip­pai.” Nukap­piaq­qap taman­na eq­qarsaatigeriarlugu ima aperaa: “Ataata, kia Guuti pin­ngor­tip­paa?”

“Guuti pin­ngor­titaan­ngilaq,” angutaa akivoq. “Piujuaan­narsimavoq.” Akis­sutaa taman­na nukap­piaq­qap naam­magigal­lar­paa. Al­liar­tor­nerminili eq­qarsaatigiuaramiuk itisilerusup­paa. Kinaas­susilim­mik aal­lar­tif­feqan­ngitsoqar­toq paasiuminaatsip­paa. Al­laam­mi avataarsuaq aal­lar­tif­feqar­poq. Guuti sumin­ngaan­neer­nersoq eq­qarsaatigisar­paa.

Taman­na pil­lugu Biibilimi qanoq al­las­simava? Ataataasup qulaani eq­qaaneqar­tup akineratupajaaq. Mosesi ima al­lap­poq: “Naalagaq, ... Qaq­qat er­niun­ngik­kal­larmata nuna silarsuarlu pin­ngor­titaan­ngik­kal­larmata Guutiuvutit naas­saan­ngil­luin­nar­tumik.” (Tus­siaat 90:1, 2) Pruf­fiiti Esaja ima oqar­poq: “Naluiuk, tusarsiman­ngiliuk: Naalagaq naas­saan­ngitsumik Guutiuvoq, nunarsuaq isorar­tooq pin­ngor­tip­paa.” (Esaja 40:28) Aam­ma Judasip al­lagaani al­laatigineqar­poq “pin­ngor­toqan­ngik­kal­larmal­li” Guuti piusoq. — Judasi 25.

Al­las­simaf­fin­nit taak­kunan­nga erser­poq, apustilip Paulusip al­laatigin­nin­neratut, Guuti “naas­saan­ngil­luin­nar­tumik kun­ngiusoq”. (1 Timotheusi 1:17) Tas­sa Guuti piujuaan­narsimal­lunilu siunis­sami piujuaan­nas­sasoq. (Saq­qum­mersitat 1:8) Naas­saan­ngitsumik piunera Ajugaqan­ngitsumut ilisar­naataavoq pingaaruteqarluin­nar­toq.

Jehova naas­saan­ngitsuum­mat taas­sumun­nga ukiut tuusintit ul­lor­tut ataatsitut ip­put. (2 Petrusi 3:8) Uagul­li ukiut inuuf­figisat­ta kil­leqar­nerat pis­sutigalugu naas­saan­ngitsuunera paasiuminaatsis­sin­naavar­put. As­sersuuteqariar­ta: Pil­ler­tap, ul­luni 50-iin­nar­ni inersimasutut uumasar­tup, uagut ukiuni 70-ini 80-iniluun­niit inuusin­naasugut paasisin­naavaa? Tas­saqa! Biibilimi nas­suiar­neqar­poq uagut Pin­ngor­titsisorsuatsin­nut naleq­qiul­luta pil­ler­tatut it­tugut. Al­laat eq­qarsarsin­naaner­put taas­suma eq­qarsarsin­naaneranit an­nikin­nerungaar­poq. (Esaja 40:22; 55:8, 9) Taamaat­tumik Jehovamut tun­ngatil­lugu inuit paasin­ngisaqar­tarsin­naanerat tupin­nan­ngilaq.

Guutip naas­saan­ngitsuunera paasiuminaatsik­kaluarlugu tamatuma silaqas­sutsimut naaper­tuun­nera paasisin­naavar­put. Guuti pin­ngor­titaasimagaluar­pat al­lamik Pin­ngor­titsisoqarsimas­sagaluar­poq. Biibilimili nas­suiar­neqar­neratut Jehovap ‘suut tamaasa pin­ngor­tip­pai’. (Saq­qum­mersitat 4:11) Aam­mami nalun­ngilar­put itsarsuaq avataarsuaq piun­ngitsoq. (1 Mosesi 1:1, 2) Qanoq pin­ngor­pa? Pin­ngor­titsisoq pioq­qaar­tariaqar­poq. Taan­na silas­soris­susil­lit al­lat tamarmik, soorlu er­nituami in­ngilil­lu, piunerat sioq­qul­lugu piuvoq. (Jobi 38:4, 7; Kolos­semiut 1:15) Tas­sa erseq­qip­poq kisimiil­luni pioq­qaar­toq. Pin­ngor­titaasimasin­naan­ngilaq, taas­sumin­ngami pin­ngor­titsisin­naasumik soqan­ngilaq.

Uagut piuner­put aam­ma nunarsuup avataarsuul­lu piunerat naas­saan­ngitsumik Guuteqar­neranut up­per­narsaataavoq. Avataarsuarmik Pin­ngor­titsisoq tamatumin­ngalu aqutsisunik inatsilior­toq piujuaan­narsimas­saaq. Taan­na kisimi anersaar­tor­tunik tamanik pin­ngor­titsisin­naavoq. — Jobi 33:4.