Прецтавьте пэсти, сар о дад дэл дума пэстирэ бэятоса. О дад росԥэнэн лэсти: «Дэлмут о Дэл создал и ԥув и вся, со пэр латэ, ай кадяжэ стердя о қам, и черӷая и луна». О шаво лэстар пушэл: «Дадэ, ай ко создал лэ Дэвлэс?»

О дад ԥэнэн: «Лэ Дэвлэс нико нэ создавал. Во вся и время сас». О шаворо на полэл, васо всаворэстэ исин начало, кай и ԥув, кай и вся, со во диқэл, ай кай о Дэл нинай. Пока лэ шаворэсти хутилэл кода, со ԥэндя лэсти лэско дад, но сар во подбарёла, во упалэ пушэла пала када. Када во нисар нащи полэл.

Андэ Библия пистромэ кода жэ, со и ԥэндя о дад анда кадэва примеро. О Моисеё пистросардя: «Инке сар на арақаделэпэ и плая и ту нэ создал и ԥув и люма, вся и вечность ту Дэл» (Псалом 90:1, 2). Ай о пророко Исаия ԥэндя: «Хэба ту на ӷанэс? Хэба ту на ашундян? О Иегова, саво стердя ла ԥувьятирэ краёря, када о Дэл пэ вся и вечность» (Исаия 40:28). Кадяжэ андэ книӷа Иуда ԥэнэнпэ, кай о Дэл сас вся и время, сави прожыля (Иуды 25).

И стихоря анда Библия сыкавэн, кай о Дэл, Царё пэ вся и вечность (1 Тимофею 1:17). Кадэла алава сыкавэн, кай о Дэл сас вся и время, сави ужэ прожыля, и во всегда авэла (Откровение 1:8). Вижал, кай о Всемоӷущё Дэл сас и авэла вся и вечность.

Васо амэнди кадя ԥарэс када тэ полас? Акэ ек примеро. О кузнечико жувэл 50 деса и во на полэл, сар када, кай о мануш жувэл 70, 80 бэрш. Андэ Библия росԥэнэнпэ, кай амэ, сар кузнечикоря, на сыстоса скати жувас амэ и скати жувэл о Дэл. Важ када амэ на полас, со када вечность (Исаия 40:22; 55:8, 9). Важ лэстэ тысяча бэрш, сар ек дес (2 Петра 3:8). Если тэ шас сама пэ вся када, тоди ашэл понятно, васо амэ дэсо на полас пала Дэл.

Хоть амэнди и ԥарэс тэ полас, кай о Дэл сас всегда, но амэ можэм андэ када набут тэ розласпэ. Андэ Библия ԥэнэнпэ, кай о Дэл вся стердя. Када сыкавэл, кай кати во Создателё (Откровение 4:11). Инке амэ ӷанас, кай сас и время, кала и люма на сас (Бытие 1:1, 2). Но катар вой ляпэ? Кодэва, ко ла создал, трэбуй сас тэ авэл инке май англал латар. Кадяжэ во трэбуй сас тэ авэл май англал жы кодэлэстар, сар сас создани анӷелоря и лэско Шаво, Иисус Христос (Иов 38:4, 7; Колоссянам 1:15). Анда када дицол, кай сас время, кала о Дэл сас совсем екжэно. Лэс нико нэ моӷ создать, важ кода кай нико на сас, кроме лэстэ. Во всегда сас.

Кода, со исин пэ люма, и вся, со пэр латэ, сыкавэл, кай исин о Дэл, саво вечно. Када во стодя кацавэ законоря, пэ савэ ритярдёлпэ вся и люма. Кати во моӷ тэ дэл всаворэнди жызня (Иов 33:4).