Majibu ya Maswali ya Biblia
Je, dini zote zinampendeza Mungu?
Unaposikiliza taarifa za habari, huenda umesikia kwamba nyakati nyingine mambo mabaya hufanywa kwa sababu za kidini. Si dini zote zinazompendeza Mungu. (Mathayo 7:15) Kwa kweli, wanadamu wengi wamepotoshwa.—Soma 1 Yohana 5:19.
Hata hivyo, Mungu anawajua watu wanyoofu wanaopenda mambo yaliyo mema na ya kweli. (Yohana 4:23) Mungu anawaalika watu kama hao wajifunze ukweli wa Neno lake, Biblia.—Soma 1 Timotheo 2:3-5.
Unawezaje kuitambua dini ya kweli?
Yehova Mungu anawaunganisha watu ambao wametoka katika dini mbalimbali kwa kuwafundisha ukweli na kupendana pia. (Mika 4:2, 3) Hivyo, unaweza kuwatambua wafuasi wa dini ya kweli kutokana na vile wanavyopendana.—Soma Yohana 13:35.
Yehova Mungu anawaunganisha watu wa namna zote katika ibada ya kweli.—Zaburi 133:1
Biblia ndiyo msingi wa imani na maisha ya wafuasi wa dini ya kweli. (2 Timotheo 3:16) Wanaliheshimu pia jina la Mungu. (Zaburi 83:18) Wanatangaza kwamba Ufalme wa Mungu ndilo tumaini pekee kwa ajili ya wanadamu. (Danieli 2:44) Wanamwiga Yesu kwa kuacha ‘nuru yao iangaze,’ na kuwatendea jirani zao mema. (Mathayo 5:16) Hivyo, Wakristo wa kweli, wanaweza kutambuliwa kwa vile wanawatembelea watu nyumbani ili wazungumze nao kuhusu habari njema za Ufalme wa Mungu.—Soma Mathayo 24:14; Matendo 5:42; 20:20.
SOMA MAJIBU YA MASWALI ZAIDI YA BIBLIA KWENYE INTANETI
Huenda Ukapenda Pia
MAJIBU YA MASWALI YA BIBLIA
Je, Dini Zote Ni Sawa? Je, Zote Zinaongoza kwa Mungu?
Mambo mawili yanayotajwa katika Biblia yanatupatia jibu.
MAJIBU YA MASWALI YA BIBLIA
Ninaweza Kuipataje Dini ya Kweli?
Je, ni kwamba tu mimi ninapenda dini fulani?
